24e Conferentia International de Interlingua
del Union Mundial pro Interlingua (UMI)

le 1–6 de augusto 2021 | benvenite al prime conferentia digital!


Iste pagina es actualisate continuemente con le novas le plus recente super le 24e conferentia.

UMIle 24e conferentia international de interlingua  Le Union Mundial pro Interlingua invita al 24e Conferentia International de Interlingua le 1-6 de august 2021 – le prime conferentia que essera totalmente digital (a causa del coronavirus). Pro isto il anque essera gratuite participar, quando on se ha inscribite. Veni apprender e practicar interlingua e experientia le possibilitates con un belle lingua international in amicitate, collaboration, recreation e amusamento!

Le conferentias international de interlingua es organisate omne duo annos e attrahe usatores de interlingua ab tote le mundo – nove interessatos, personas qui ha participate antea e le veteranos, qui ha participate a omne conferentia durante decennios. Illes veni pro esser orientate super le labores pro diffunder le cognoscentia e le uso practic de interlingua, pro excambiar ideas e pro discuter como progreder – preferibilemente in collaboration international.

Datas del conferentiaDatas: Le conferentia comencia dominica le 1 de augusto e fini le 6 de augusto 2021.

Horas del conferentiaHoras: Le conferentia digital habera tres sectiones de sessiones per die. Assi le plus multe personas pote participar independente del zonas horari – e evitar fatiga ante le schermo. Le modulos essera a 11.00-12.00 horas CEST (09.00-10.00 horas UCT), 15.00-16.30 horas CEST (13.00-15.30 horas UCT) e 20.00-21.30 horas CEST (18.00-20.30 horas UCT).

Centro conferentialCentro conferential: Iste vice le centro conferential es digital. Nos aperi un reception digital, ubi le participantes pote informar se. Messages importante essera placiate ci. Plus de informationes e detalios va venir.

PreciosPrecios: Con un conferentia digital il non ha costos pro locar salas conferential etc. Assi le participation es gratuite, ma on debe naturalmente inscriber se. Plus de informationes e detalios va venir.

Programma del conferentiaProgramma: Le programma conferential es sub elaboration. Ideas motivate con un breve description de 3-5 lineas pote esser inviate al arrangiatores.
   Sub planification es sessiones con discussiones de themas specific, presentationes in interlingua de topicos multo variate, presentationes del ganiatores del concurso “Io ama interlingua”, cursos de interlingua pro comenciantes e cursos de conversation in interlingua, excursiones virtual etc.

ArrivataArrivata: Le participation require un connexion a internet, preferibilemente anque un camera.


Documentos e discursos

  • [Ci essera publicate documentos e discursos ab le 24e conferentia international de interlingua pro le participantes.]


LE NOVAS LE PLUS RECENTE

LIGAMINES INTERESSANTE