24e Conferentia International de Interlingua

Iste pagina es actualisate continuemente con le novas le plus recente super le 24e conferentia.

  Le Union Mundial pro Interlingua invita al 24e Conferentia International de Interlingua le 1-6 de augusto 2021 – le prime conferentia que essera totalmente digital (a causa del coronavirus). Pro isto il anque essera gratuite participar, quando on se ha inscribite. Veni apprender e practicar interlingua e experientia le possibilitates con un belle lingua international in amicitate, collaboration, recreation e amusamento!

Le conferentias international de interlingua es organisate omne duo annos e attrahe usatores de interlingua ab tote le mundo – nove interessatos, personas qui ha participate antea e le veteranos, qui ha participate a omne conferentia durante decennios. Illes veni pro esser orientate super le labores pro diffunder le cognoscentia e le uso practic de interlingua, pro excambiar ideas e pro discuter como progreder – preferibilemente in collaboration international.

Datas: Le conferentia comencia dominica le 1 de augusto e fini venerdi le 6 de augusto 2021 (inclusive).

Horas: Le conferentia digital habera duo sectiones de sessiones per die. Assi le plus multe personas pote participar independente del zonas horari – e evitar fatiga ante le schermo. Le modulos essera a 14:00-15:30 UTC (16:00-17:30 CEST, 10:00-11:30 EDT) e 18:00-20:30 UTC (20:00-21:30 CEST, 14:00-15:30 EDT). Le tempore inter le duo sectiones pote esser usate pro activitates social e conversationes e/o labor in gruppos.

Centro conferential: Iste vice le centro conferential es digital. Nos aperi un reception digital, ubi le participantes pote informar se. Messages importante essera placiate ci. Plus de informationes e detalios va venir.

Precios: Con un conferentia digital il non ha costos pro locar salas conferential etc. Assi le participation es gratuite, ma on debe naturalmente inscriber se. Ecce le scheda de inscription.

Programma: Le programma conferential se presenta ci. Cambios e actualisationes pote occurrer. Visita pro isto le pagina regularmente.

Arrivata: Le participation require un connexion a internet, preferibilemente anque un camera pro le computator.

Codice de conducta

Documentos e discursos

• [Ci essera publicate documentos e discursos ab le 24e conferentia international de interlingua pro le participantes.]

• 28 paginas in Panorama dedicate al conferentia de interlingua
• 24e conferentia de interlingua 2021: inscription e programma
• Le novas recente del 24e conferentia de interlingua 2021
• Propositiones pro breve presentationes al 24e conferentia international de interlingua es benvenite
• Le 24e conferentia international de interlingua in augusto 2021 essera digital
• Le conferentias international de interlingua (desde 1955)

• Mini-curso: le grammatica de interlingua in 10 minutas (video instructive)
• Materiales pro studiar interlingua (gratuite materiales)
• Dictionarios e cursos de interlingua (gratuite materiales)
• Le grammatica de interlingua (consulta le detalios del grammatica)
• Bibliotheca electronic in interlingua (e-libros e audiolibros gratuite)
• Libros e litteratura in interlingua (compra bon libros ab le enorme collection)