Un independente magazin cultural digital de Brasil in interlingua - e gratuitemente distribuite a omne abonatos. Lege le editiones anterior ci.

Almanac de interlingua

UMI  Le Almanac de interlingua es un independente magazin cultural digital que desde octobre 2009 appare cata mense con sex-septe paginas A4 plen de informationes cultural ab tote le mundo con un variation ric de themas in cata edition.

Illo es scribite e redigite per Cláudio Rinaldi de Brasil e ha abonatos in cinque continentes. Le scopo del magazin es fornir material de lectura a tote persona interessate in apprender o practicar interlingua.

Il es totalmente gratuite abonar se al Almanac de interlingua.

Le redactor del Almanac de interlingua, Cláudio Rinaldi, ha date permission a colliger e publicar le Almanac de interlingua in www.interlingua.com. Assi le visitatores dispone de un material multo plus grande.

Le collection va crescer tote le tempore, ma sempre illo non contine le edition le plus recente del mensual. Isto on debe discargar ab http://almanacdeinterlingua.blogspot.com. Contacta le redaction a almanacdeinterlingua@yahoo.com.br pro devenir abonato permanente e reciper automaticamente le nove edition in le cassa postal digital.