Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

D E C E M B R E ,   1 9 9 8
In marcha le quinte programma communitari de recerca

Post longe negotiationes, e con bastante retardo, le Parlamento e le Consilio se ha ponite de accordo e ha approbate le Quinte Programma Quadro de Recerca pro le annos 1998—2002. Un total de 14.960 milliones de euros pro financiar projectos de recerca in diverse ambitos durante cinque annos. Como lo voleva le Parlamento, 10% del fundos se reserva a parve e medie interprisas (PMIs).

Traducite de Tribuna del Parlamento Europeo per Ensjo.

Le Programma Quadro de Recerca, approbate per le Parlamento in decembre, indica le copertura financiari global pro projectos de recerca communitari, assi como su subdivision inter septe programmas. In le compromisso accordate inter Parlamento e Consilio — institutiones collegislative in iste materia — se stabili que 10% de su ressources debe diriger se a PMIs. Le Parlamento tamben ha succedite que se include un action specific de recerca relate al invalidos e que se exclude tote recerca relationate al clonage human.

Le distincte programmas coperite per le quadro financiari approbate coperi areas como le scientias biologic, le societate del information, le technologia industrial e de transporto, le technologias de protection del ambiente e de economia energetic, le fusion nuclear, fission nuclear e gestion de residuos nuclear. Il tamben ha un programma specific pro facilitar le innovation in le PMIs.

Le recerca in le Union Europee se beneficia sin dubita del cooperation inter su Statos-Membros. Illo es un parte importante del budget communitari mais ancora assi relativemente parve. Pauco plus que 3% del budget annual. E si se considera que le budget communitari a pena supera 1% del PIB communitari, le conclusion pare evidente. Nonobstante, le amonta approbate permitte stimular projectos de interesse public que forsan alteremente non se realizarea.


Initio Alto