Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

N O V E M B R E ,   1 9 9 8
Action pro confrontar le fraude de cartas de credito

Traducite de EP News (Irlanda) per Stan Mulaik.

Le costo annual de fraude de cartas de credito in tote le mundo amonta a circa 3 milliardos de dollares, con plus e plus tal fraude afficente Europa. Bandas organizate de America Latin es commissionate a furar plastico pro recyclar lo in altere partes del mundo. Un idea es reimplaciar le signatura super cartas con un microchip incorporante le NIP (numero de identification personal) mais compras in le interrete pagate per carta de credito es equalmente vulnerabile al abuso. Un via de ager contra isto es per moneta digital per le qual numismas e notas pote esser “comprate” de un banca e registrate in un computator, rendente possibile que on face pagamentos electronic, con clientes beneficiante se de protection meliorate contra le fraude proque le venditor pote solmente obtener le moneta de un banca.

Le introduction del euro ha conducite a timores que isto poterea conducer a nove avenues pro le contrafaction. Iste mense europarlamentarios approbava mesuras a indurar le action contra iste typo de fraude trans frontieras per medio de legislation plus stricte, melioration de cooperation, e action pro tractar de transferentias electronic, un altere area subjecte al action criminal. Exercitios de conscientization del publico e schemas pro augmentar le trainamento de personal es planate pro coincider con le lanceamento del nove moneta.

Initio Alto