Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

N O V E M B R E ,   1 9 9 8
Ira verso menacia de sanctiones statounitese super bananas

Traducite de EP News (Irlanda) per Stan Mulaik.

Iste mense europarlamentarios exprimeva ira e frustration verso menacias del Statos Unite de imponer un serie integre de impostos extra super importationes de Europa in retaliation contra lo que le Statos Unite considera esser arrangiamentos injuste pro importationes de bananas destinate al Union Europee. Le SU argue que arrangiamentos preferential del UE designate pro accrescer le production in parve insulas caribe tal como le Insulas [Windward] discrimina contra cultivatores latino-american. Mais como Glenys Kinnock (RU, PSE) indicava, importationes del Indias Occidental e altere statos [ACP] representa solmente 7 per cento del mercato del UE.

De facto, indicante que il ha necun menacia del toto al economia del SU per le action del UE, Sra. Kinnock detectava le mano sinistre de multinationales basate in le Statos Unite qui controla le production in America Latin detra le menacias statounitese. “Essera iste disputa super regulas o essera illo super le recompensa de Democrates a bananas Chiquitas?” illa demandava. Commisario Sir Leon Brittan cercava frigidar le animos pro non lassar que le disputa super bananas devenirea incontrolabile e mitter in periculo le relationes UE/SU in altere spheras.

Ille opinava que le nove Accordo de Societate Transatlantic recentemente appoiate per le Consilio e sub le qual le Commission commenciarea le negotiationes con autoritates statounitese super un integre serie de questiones (includente le reduction de barrieras technic al commericio, contractos public e patentes) esseva un signo positive del desiro de ambe partes a meliorar le relationes.

Sir Leon prendeva le vista que le disputa commerical super le bananas debe resolver se sub le auspicios del Organization Mundial de Commercio e ille explicava que se habeva facite reformas que esseva consistente con le regulas del OMC.

Europarlamentarios subsequentemente adoptava un resolution demandante que le conversationes commercial con le SUA sia suspendite usque le menacia del sanctiones sia retirate.


Initio Alto