Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

O U T U B R O ,   1 9 9 8
Le stato del Union Europee

Occupation, allargamento e politica exterior commun es le grande defias a confrontar in via prioritari.

Traducite de Europa Oggi per Ensjo.

Le Presidente del Parlamento Europee, Josť Maria Gil-Robles, aperiente le debatto super le stato del Union, ha recordate como le area euro, gratias al processo de convergentia del economias national e al moneta unic, ha ben resistite al recente turbulentias monetari: isto non lo exime, nonobstante, del cerca de stabilitate in altere areas geografic como le Russia e le America Latin; tal carga demanda le creation de un real representation externe del dece-un paises euro, como previste per le Consilio de Cardiff.

Ha essite pois le vice del cancellero austriac, e presidente del Consilio Europee, Viktor Klima, que ha initiate su discurso recordante le major resultatos attingite per le Union in le tempores le plus recente, como le convergentia del economia, le union economic e monetari, le processo de allargamento initiate con le paises del Est e le initio de un strategia commun pro combatter le disoccupation. Totevia le processo de integration non pote cessar hic, illo debe prosequer sur le strata traciate per le patres fundatores del Communitate que habeva como fundamento le democratia, le equalitate social e le pluralitate cultural.

Le politica occupational — ha prosequite Klima — ha devenite parte integrante del politica economic europee e ora besonia persequer principios commun assi como ha essite facite pro le criterios de convergentia que es le base del Union Economic e Monetari. Si deberea in prime loco disveloppar un systema commun de controlo pro le realization del planos national e pois reinfortiar le dialogo social.

In fin le presidente del Consilio ha abbordate le thema del reformas institutional, que potera esser initiate solo post le ratification del Tractato de Amsterdam per parte de tote le Statos Membros, e le thema de politica commun pro le affaires externe e le defensa (PESC), indispensabile pro reinfortiar le Union; in tal optica, e pro accelerar le realization, se poterea ja nominar un responsabile unic pro le Union, Mister PESC, in occasion del Summitate Europee de fin de anno que se tenera a Vienna.

Le presidente del Commission Jacques Santer ha anticipate le orientationes del Executivo pro facer fronte al defias del proxime annos faciente del organization del Union un modello valide sur scala mundial pro le seculo veniente.

Secundo Santer, tres es le interrogativas que se debe responder: como adaptar le methodos de travalio communitari al alto grado de integration attingite per le Union? Qual real progressos on debe realizar a fin que le citatanos se senti involvite in le processo de construction europee? Como reformar efficacemente le institutiones in vista del nove allargamento? In relation a isto, Santer ha citate le exemplo del strategia europee pro le occupation que ha ja suscitate un ample dynamica in le mercato de travalio del paises membros. Quanto al expectativas del citatanos le presidente del Executivo ha individuate tres campos prioritari: le economia e le social, le relationes externe e le securitate interne. Cardine del impulso communitari al creation de postos de travalio es le formation e, a transverso de isto, le augmento del potentialitate occupational, sin abandonar le mantenimento del indispensabile standards de securitate social.

Le politica externe e de securitate commun europee ancora habe manco de visibilitate e su importantia non es proportional al dimension del Union como major donator mundial. A causa de isto, probabilemente a Vienna, le Statos Membros designara un alte representante pro le PESC.

In fin, pro le justitia e le affaires interne, campo in le qual se resenti le manco de un coordinamento a nivello del Union, le Commission e le Consilio presentara a Vienna, al fin del anno, un plano de action e le Executivo proponera de convocar un reunion special del chefs de stato e de governamento europee consecrate al tertie pilastro.


Initio Alto