Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

J U L I O ,   1 9 9 8
Un quiete benvenita al Britannia de nove aere

Traducite de EP News (Irlanda) per Chris Burd.

Le prime ministro britannic Tony Blair veniva al Parlamento in Junio pro reportar sur le conferentia de summitate a Cardiff, e le sex menses del presidentia britannic. Le evalutation del presidentia britannic per le Parlamento esseva bastante tepide. Un resolution attrahente appoio multipartitari ha mermente "prendite nota" de areas-scopo pro action in anticipation al allargamento sur reformas del Politica Agricultural Commun (PAC) e le fundos regional, e un nove strategia pro tractar le menacia de drogas.

Nonobstante, le resolution ha benvenite progresso in le tractamento del disoccupation, e on ha laudate le effortios britannic pro rumper le impasse in le Medie Oriente, e anque ha appreciate le mesuras prendite pro assecurar le pace in Irlanda del Nord.

Necuno mitteva in dubita le enthusiasmo de sr. Blair e su appoio al integration europee. Ille accentuava ardentemente le necessitate de reformas, pro approximar le Union Europee plus presso al citatano e pro facer le ideal europee plus attractive al juvenes qui non ha crescite sub le menacia del Guerra Frigide.

Preoccupation genuin

Ille recognosceva le preoccupationes real inter partisanos genuin del integration europee quanto a centralisation, burocratia e un politica economic governate per regulation. Ille recordava su opposition contra le direction statal del industria, preferente in su loco que governamentos representa un rolo capacizante positive pro adjutar le interprisas a prosperar in le economia global. Le "modello social europee" ha besonio de reforma, ille diceva. Le reformas politic deberea concentrar se in tranquillizar le citatanos que lor identitate national non es menaciate.

Il habeva plure successos del presidentia britannic, ille manteneva, accentuante que le lanceamento successose del moneta unic, como le mercatos ha monstrate, non esseva un complimento mediocre. E, quanto al programma Agenda 2000 de reformas del PAC e del fundos regional, ille admitteva francamente que ille voleva vider plus de progresso. Ille addeva que fixar un data-limite pro un accordo a Martio de 1999 va al minus concentrar le mentes del governamentos national. Sur themas del politica estranier, in le qual ille esseva criticate per le eurodeputatos a causa de prender troppo fortemente le parte del statouniteses, ille se defende dicente que il es importante mantener un alliantia transatlantic intime, in vista del tendentia isolationista in certe quartieros del Capitol Hill. Ille accentuava que le Regno Unite ha consultate altere statos del Union concernante Iraq.

Le reaction de eurodeputatos esseva que le conferentia de summitate de Cardiff esseva plus tosto un exercitio de "facer le inventario" que un foro pro decisiones major. Le leader del Partito Popular Europee Wilfried Martens (B, PPE) benveniva le effortios del presidentia britannic pro poner un "facie human" sur le affaires del Union. Ma le Srs. Martens e Gijs de Vries (NL, ELDR) ha ambes reservate lor criticas pro le attaccos sur le Commission, notabilemente per Germania a Cardiff. In facto, on deberea laudar le Commission pro mantener le lege europee in defiantia de Germania, diceva Sr. De Vries, criticante le governamento german a causa de su contestation de un decision del Corte Europee que defendeva le derecto de citatanos de beneficiar se del libertate de movimento.


Initio Alto