Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

J U L I O ,   1 9 9 8
Notitias breve

Traducite de Europa Oggi per Ensjo.

Numerose benes e haberes del victimas del holocausto saccheate per nazistas non ha essite jammais restituite, e ha contituite un [bottino] de guerra conservate in bancas suisse e de altere paises intro e foras del Union Europee. Le Assemblea ha a causa de isto sollicitate al Consilio e al Executive de exercitar tote le pressiones super le governamentos interessate a fin que le benes in question sia restituite a lor proprietarios o a illes actualmente habente derecto.

Le Parlamento ha approbate un resolution con le qual illo condemna firmemente le persistentia e le multiplication del violentias del derectos human fundamental, le processo de mundification ethnic e le aggressiones extrememente violente complite per le policia serve, per portiones del armea yugoslave e per fortias paramilitar contra le population de Kosovo e [ribadisce] le condemnation del uso del violentia, qualcunque sia le partes coinvolvite.

Le Assemblea ha acceptate le compromisso del committee de conciliation super le decision de instaurar intro le Union un rete de surveliantia e de controlo del maladias transmissibile.

Le [Aula] ha exprimite, con alcun reservas, un judicio positive del proposition del Commission concernente le reapproximation del legislationes del Statos Membros in materia de assecuration del responsabilitate civil pro autovehiculos. Il es indispensabile, de facto, definir un directiva commun a tote le paises del Union que disciplinara un materia [sinora] incomplete.

Le Parlamento ha approbate le reporto proponite per le commission juridic e pro le derectos del citatano, dirigite a trovar un solution pro le principal problemas del sector del communicationes electronic: le authentication, le integritate e le confidentialitate del datos transmittite.

Ha essite concludite positivemente le phase del conciliation super le programma communitari pro instituer un servicio voluntari pro le juvenes, [in grado di] fornir les un experientia formative recognoscite a nivello transnational. Le Assemblea ha de facto adoptate le compromisso, ben que quanto al dotation le Consilio non ha vadite ultra le 47,5 milliones de ecus pro le biennio 1998–1999. Le Assemblea habeva sollicitate 80 mecus e le Commission 60.

In apertura de session le presidente Gil-Robles ha annunciate que a partir del 13 de julio Carlo Ripa di Meana ha passate del gruppo del Verdes a illo del Sinistra Unitari Europee.

Initio Alto