Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

J U N I O ,   1 9 9 8
Como sustener le industria conservier

Thunno in conserva e sardinas: un mercato in expansion

Traducite de Europa Oggi per Ensjo.

Partiente del constatation que le industria de transformation del productos del pisca e del aquicultura constitue un pilastro essential del politica commun del pisca, un sector de alte intensitate de mano-de-obra que recurre in notabile mesura a processos manual pro garantir le qualitate del productos exigite per le mercato e que confronta actualmente grave difficultates in consequentia de recente accordos international de character commercial concludite per le Union Europee con paises alteres, como le accordo con Turchia, que face concurrentia al productos traditional del industria communitari, le Parlamento invita le Executivo a presentar propositiones concernente un plano de action specific e un quadro global de sustenimento al industria del conservas de productos del pisca, que tene conto del politica structural existente e del nove orientationes del politica regional pro le periodo 2000–2006 e que contempla le appoios financiari necessari pro render competitive le sector conservier communitari in le quadro de un economia mundial.

De facto, inter 1989 e 1993 le consumo de conservas de productos del pisca e del aquicultura in le Union ha duplicate; le previsiones de crescimento remane bon e existe possibilitates de disveloppamento de tal industria, si se garanti un correcto approvisionamento de materias prime proveniente del activitate de captura del flotta communitari o de importationes del mercato international.

In particular, pro le industria del sardina se exige le adoption urgente de mesuras de protection como: a) le prevision de fundos necessari pro le periodo 2000–2006 pro permitter le restructuration del sector, ultra le reservas previste in le quadro del fundos structural existente; b) le introduction de un indemnization de compensation pro le sardina, destinate al industria conservier comunitari, e le mantenimento de un adjuta equilibrate pro evitar le fluctuation del precios in le mercato in consequentia del fluxos saisonal de offerta del producto al industria de conservation; c) le lanceamento de un campania a nivello communitari, dotate del medios necessari pro le promotion del consumo del sardina e de productos como le conserva e le pasta de sardina.

Pro le industria del conserva de thunno, que constitue le segmento le plus importante del industria conservier communitari in terminos de postos de travalio e de volumine commercial, se pete in vice: a) le correcto approvisionamento del materia prime necessari (thunno fresc, congelate e filets) dante prioritate al flotta communitari e aperiente nove contingentes al importation solmente quando illos sia strictemente necessari pro le industria communitari; b) vigiliar que le contrapartitas concedite a altere paises responde al fines stabilite in le dispositiones communitari; c) proceder al controlo rigorose del origine del productos e de lor qualitate como tamben del conditiones tecnico-sanitari del productos importate, a fin de prevenir le fraude al damnos del consumitor e le concurrentia disloyal al damnos del industria communitari.


Initio Alto