Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

A P R I L ,   1 9 9 8
Verso un Union de 21 statos

Aperte officialmente a London le negotiationes con le dece-un paises candidate.

Traducite de Europa Oggi per Ensjo.

In nomine del Consilio de Ministros, Doug Henderson, subsecretario al exterior de governamento britannic, ha affirmate que le ampliamento constitue un prioritate del presidentia del Union. Le mandato del initio del negotiationes conferite per le Consilio Europee a Luxemburg ha ora essite ergo actuate con successo. Le prime phase del adhesion de 6 paises — Hungaria, Polonia, Estonia, Slovenia, Republica Chec e Cypro — ha essite lanceate le 30 de martio.

Con le altere 5 paises del Europa Centro-oriental que ha presentate le candidatura — Bulgaria, Lettonia, Lituania, Romania e Slovachia — essera accelerate le tempores de pre-adhesion con negotiationes differentiate.

Secundo le orator, le Conferentia de London de 12 de martio passate ha essite un evento historic que ha testimoniate le facto que le futur candidatos face ja parte del familia europee. Le representantes del 26 paises interessate ha definite le quadro general del futur ampliamento in diverse sectores, inter le quales le lucta al crimine e al droga, le protection del ambiente e le relationes economic. Le travalios del Conferentia prosequera sub le presidentia austriac.

Henderson ha pois recordate que le 24 de martio passate ha essite adoptate un documento relative al partenariato pro le adhesion al qual le position del Parlamento Europee ha contribuite significativemente.

Sur le base de tal partenariato le Union fornira adjutas substantial al paises candidate in lor approximar se al standard europee. Le lanceamento del processo de ampliamento pro le prime sex paises evenite le 30 de martio passate a Bruxelles continuara le 29 e 30 de maio proxime. Henderson ha concludite per invitar le sala a cooperar con le Consilio pro que le opinion public sia sensibilizate al beneficios del ampliamento.


Initio Alto