Union Europee

Tribuna de Europa
IN INTERLINGUA


Que es Interlingua?

Breve Vocabulario

Breve Grammatica

Union Mundial pro Interlingua


Interlingua (disveloppate per IALA)

M A R T I O ,   1 9 9 8
Le Presidente de Austria adverti contra le apathia

Traducite de EP News per Stan Mulaik.

In martio le Presidente de Austria, Dr. Thomas Klestil, veniva a Strasbourg pro confirmar que Austria se ha fidite a un forte Union Europee, mais ille advertiva que le alte expectationes de 30 annos passate ha succumbite al scepticismo e le apathia. "Le generation de hodie ha desde un longe tempore presupponite le pace in le Union," ille diceva. Le periculo esseva que sin le firme resolution de su citatanos, le futuro de Europa esserea constructe super un fundation instabile. Como in altere statos membros del UE, ille indicava que multe personas in Austria se sentiva distantiate del processo de prendita de decisiones, que esseva sovente percipite como troppo interferente super le stilo de vita traditional.

Appoio pro le institutiones del Union Europee esseva absente in Austria, ille diceva, e isto consequentemente ha ducite a un attitude de hostilitate e diminuition del appoio vital pro le unification de Europa. Pro confrontar iste timores, ille faceva le recommendation que on construe un Europa basate super le preoccupationes del citatanos e addeva jam que isto esseva le objectivo del presidentias austriac e britannic. Isto se tractava de approchar le disoccupation ubi, sequente le conferentia al summitate a Luxemburg, le momento esseva ora favorabile pro action practic. Il anque esseva vital promover un politica ambiental positive basate super alte standards. Quanto al question de reducer le distantia inter le institutiones del Union Europee e le citatano, ille faceva emphase super le necessitate de transparentia in tote le activitates del Union Europee. Isto significarea que le personas poterea facilemente saper qui esseva responsabile pro le decisiones prendite e le establimento de un processo pro facilitar le citatanos a sentir se un parte del processo de prendita de decisiones. Un grande parte del responsabilitate pro assecurar isto cadeva super le Parlamento Europee, ille diceva, que esseva facie a facie con le defia de establir le democratia a un nivello europee sin perder le contacto con le nivello basic del societate europee.


Initio Alto