Skip navigation.
Home

Actualitate

-

  Un professor del latino classic aperi le incontro nordic de interlingua in le latino moderne.

Hans Aili, prefecto del Institution pro linguas francese, italian e classic e del Institution pro linguas oriental al Universitate de Stockholm e professor de latino, ha acceptate le invitation a aperir le 10-me incontro nordic de interlingua - in interlingua.

-
  Le radio del minoritate hungare in Slovenia, Muravidéki Magyar Rádió, interviewava Péter Kovács, informator de interlingua pro Hungaria, durante un directe emission musical le 20 de april. Ille explicava in alcun minutas super interlingua e su avantages.
-
  Le jornal regional Hallandsposten de Svedia publica le 12 de maio un grande portrait de duo motores de interlingua - e de multe altere cosas - Gunaino e Bengt Enqvist. "Illes ha sempre mantenite lor ideales - Bengt e Gunaino crede in pace e solidaritate international", dice le rubrica del grande articulo illustrate.
-
  In vice de haber 20 linguas e 400 traductores in le Union Europee, on pote considerar introducer interlingua e traducer omne documentos via iste lingua. Isto va sparniar 90 pro cento del costos. Assi scribe professor Olaf Husby in su "Columna lingual" (Språkspalten) in le jornal BTmagasinet, editate per le jornal Bergens Tidende in Norvegia, in septimana 16.
-
  Le grande dictionario germano-interlingua, "Wörterbuch Deutsch-Interlingua" per le suisso André Schild e supplementate per le germano Helmut E. Ruhrig, es de novo in vendita in un edition del Union Mundial pro Interlingua. Le dictionario es in formato A4 con texto in tres columnas. Le 263 paginas ha circa 50.000 entratas e es in un copertura colorate e plastificate con un dorso anellate.
Lista de nove contento
Initio del pagina