Skip navigation.
Home

Actualitate

-
  Un nove introduction al interlinguistica con interlingua parlate e scribite es offerite al studentes del Universitate de Granada in Espania le 23 de octobre al 13 de novembre. Es le quinte vice que le universitate offere le curso de 30 horas que ha spatio pro 30 alumnos. Le curso es offerite in collaboration con le Centro de Formación Continua.
-

  "Interlingua es le lingua le plus facile in le mundo," sonava le megaphono, quando le participantes del 10-me incontro nordic de interlingua in le citate svedese Vadstena sabbato le 29 de julio iva in un demonstration spectacular a transverso del urbe.

-
  "Nove lingua attrahe multes" scribe le jornal regional svedese Motala-Vadstena Tidning le 31 de julio como rubrica de su reportage del 10-me incontro nordic de interlingua. Le incontro jubilari attraheva participantes del quatro paises nordic, de Espania, de Germania e mesmo de Japon pro cursos intensive de interlingua durante tres dies sequite per tres dies del incontro nordic, ubi on discuteva planos de collaboration nordic.
-
  Interlingua se presentava, quando le Federation International del Professores de Linguas Vivente (FIPLV) le 15-16 de junio habeva un grande conferentia in le Schola Technic Superior de Chalmers in Göteborg, Svedia. Le 740 personas ab multe paises se assemblava pro duo dies. Tres consilieros del Societate Svedese pro Interlingua esseva presente, e un parve imprimito, "Interlingua se presenta", esseva distribuite per le organisatores a omne participantes.
-
  "zzzz" - isto es le ultime entrata in le nove, grande "Dictionario francese-interlingua". Le manuscripto esseva finite per Piet Cleij, vice-secretario del Union Mundial pro Interlingua, le 29 de junio, ma ora illo require le assistentia de alcun expertos francophone. Piet Cleij ha un lista de circa 4.000 parolas que ille vole e debe reconsiderar de novo, proque ille non trova un traduction immediatemente, o proque le traduction non le pare troppo correcte o non complete. "Io besonia le assistentia de alcun interlinguistas francese multo capabile e disponiente de bastante tempore libere," dice Piet Cleij. Ille pote esser contactate per le adresse vice-secretario@interlingua.com.
Lista de nove contento
Initio del pagina