Skip navigation.
Home

Actualitate

-

  Un lista de circa 700 parolas problematic remane. Dunque adjuta es besoniate pro poter finir le nove, grande "Dictionario francese-interlingua".

Le manuscripto esseva finite per Piet Cleij, vice-secretario del Union Mundial pro Interlingua, le 29 de junio. Le dictionario ha 52.000 entratas, e Piet Cleij es in le processo de controlar 1.000-2.000 de illos cata die. Totevia ille - como nederlandese ma professor de francese - besonia assistentia de ver francophonos, qui pote adjutar pro acclarar le signification precise del parolas.

-
  Juniores pote ora discargar lor proprie calendario pro 2006 - in interlingua e in duo variantes. Visita le section "Interlingua pro juniores".
-

  Le bibliotheca electronic de interlingua ha essite actualisate con ancora duo offertas audibile e visibile.

Le textos del "Dece-duo conversationes" curiose ha essite registrate in formato MP3, preste a discargar e audir ubique. Le libro con le textos pote esser comprate per le Servicio de Libros (clicca a "Libros e litteratura" a sinistre).

-
  Un nove introduction al interlinguistica con interlingua parlate e scribite es offerite al studentes del Universitate de Granada in Espania le 23 de octobre al 13 de novembre. Es le quinte vice que le universitate offere le curso de 30 horas que ha spatio pro 30 alumnos. Le curso es offerite in collaboration con le Centro de Formación Continua.
-

  "Interlingua es le lingua le plus facile in le mundo," sonava le megaphono, quando le participantes del 10-me incontro nordic de interlingua in le citate svedese Vadstena sabbato le 29 de julio iva in un demonstration spectacular a transverso del urbe.

Lista de nove contento
Initio del pagina