Skip navigation.
Home

Actualitate

-

  Le autor russe, Anton Tchekhov, es le autor del mense in le serie de novellas original e traducite, que es publicate in le sito "Un conto in Interlingua".

"Al Officio postal" es le titulo del breve novella, traducite per Onofrio Notarstefano, qui prende cura del sito.

Secundo le presentation in le sito (http://conto.altervista.org), le traduction del conto "vole demonstrar que Interlingua es facilemente comprensibile al italianos. In le altere paginas de iste sito vos trovara informationes super Interlingua, un lista de ressources e un curso que vos permittera de patronisar “conscientemente” Interlingua in multo pauc tempore. Bon lectura!”

-

  Solmente un mense post que un curso de interlingua in 15 lectiones esseva presentate in Internet per le Union Norvegian pro Interlingua, veni un version italian del mesme curso.

Gratias al labor de Italo Notarstefano, le organisation Interlingua italia pote publicar "Corso base di Interlingua" (Curso basic de interlingua) in su sito in Internet al adresse http://conto.altervista.org/corso.html. Le curso es un version italian del curso scribite pro daneses per Thomas Breinstrup, le secretario del Union Danese pro Interlingua. Illo es publicate in formato PDF lection post lection, assi que on pote discargar lo e apprender le circa 750 parolas. Le prime dece lectiones forma un historia complete del familia Hansen, qui va a Scotia pro visitar lor amicos. Il ha explicationes grammatic e exercitios pro cata lection. Le ultime cinque lectiones es conversationes plus longe.

-

  Plus que 75.000 ha ora visitate le sito official del Union Mundial pro Interlingua al adresse www.interlingua.com desde januario 2006.

Le nove record esseva passate in le medietate de octobre. Le sito esseva relanceate le 15 de januario 2006, al "Die de Interlingua", ubi organisationes e interessatos in tote le mundo face effortios commun pro crear interesse de interlingua.

-

  Norvegianos - e le altere scandinavos - pote ora sequer un curso de interlingua in 15 lectiones per Internet.

Le Union Norvegian pro Interlingua ha publicate "Interlingua kurs for begynnere" (Curso de interlingua pro comenciantes) in su sito in Internet al adresse www.interlingua.no. Le curso es un version norvegian del curso scribite pro daneses per Thomas Breinstrup, le secretario del Union Danese pro Interlingua. Illo es publicate in formato PDF lection post lection, assi que on pote discargar lo e apprender le circa 750 parolas. Le prime dece lectiones forma un historia complete del familia Hansen, qui va a Scotia pro visitar lor amicos. Il ha explicationes grammatic e exercitios pro cata lection. Le ultime cinque lectiones es conversationes plus longe.

-

  Audi interlingua e lege le texto. Iste combination es optimal, quando on vole apprender le lingua. Pro isto, le Union Mundial pro Interlingua (UMI) comencia offerer files audio pro materiales publicate ci in www.interlingua.com

Diverse textos, ante toto le material pro apprender interlingua in le inseniamento, essera registrate in le formato le plus popular de sono, MP3. Assi on pote audir le texto pronunciate directemente al schermo, o on pote discargar le files MP3 e ascoltar lo per su apparatos MP3, durante que on face altere cosas. Le materiales audio con interlingua in uso practic es specialmente un servicio pro personas, qui non habita vicin a altere usatores de interlingua e assi non audi le lingua si sovente.

Lista de nove contento
Initio del pagina