Skip navigation.
Home

Actualitate

-
  Duo nove calendarios in colores - e in interlingua - es a disposition gratuite ci in www.interlingua.com. Selige lo que tu prefere le melio. Visita le section Interlingua pro juniores.
-
  Un tote curso de interlingua pro germanophonos es inter le multe offertas que Deutsche Amateur Radio Station, DJ3UC, presenta in Internet. Franz Schmiedeberg, qui es active pro interlingua, ha create un tote section super interlingua con i.a. le curso in octo lectiones, un presentation de interlingua, un breve grammatica, le pronunciation, fabulas celtic, tres parve contos e le vocabulario basic de radio-amatores con expressiones utile in interlingua.
-
  Incontros regular de interessatos de interlingua continua diffunder se in le paises nordic. In Stockholm, Anita Holmér cerca altere membros pro establir un gruppo regular. Un conditoria (!) central ha essite seligite pro le incontros, ubi le participantes debe practicar interlingua per conversationes e lectura in le lingua.
-

  Interlingua es de novo presentate como le lingua del Union Europee (UE).

Lennart Andersson, Varberg, ex-professor gymnasial de francese, espaniol e russo, presenta in le jornal regional svedese Hallands Nyheter le 16 de novembre su proposition radical pro le collaboration intra le Union Europee. Le UE habera 23 linguas official post le 1 de januario 2007.

-

  Alexander Gode-von Aesch, le ultime director de recercas del International Auxiliary Language Association e assi un del patres de interlingua, haberea habite 100 annos hodie, le 30 de octobre.

Alexander Gottfried Friedrich Gode-von Aesch (30 de octobre 1906-10 de augusto 1970) esseva director del recercas del IALA de 1946 e redactor del “Interlingua-English Dictionary" de 1951, le prime obra in interlingua, e co-autor del "Interlingua Grammar" de 1951. Ille nasceva in Bremen, Germania, graduava in Vienna, Sorbonne in Paris e al Universitate de Columbia in Nove York, SUA. Ille esseva active pro interlingua desde 1934 e fundava le casa editorial Storm Publishers in 1946. Post le dissolution de IALA in 1953 ille deveniva chef del Interlingua Division of Science Service in Nove York usque 1967, traducente e publicante articulos scientific in interlingua.

Lista de nove contento
Initio del pagina