Skip navigation.
Home

Actualitate

-

UMI  Le crescente porto postal significa que le expedition del libros in interlingua costa plus.

-

UMI  Le sito www.interlingua.com se ha movite del precedente providitor de hosting pro mover se a un altere que provide un servicio plus functional e supertoto con multe plus de spatio sur disco disponibile.

-

UMI  Un constitution commun pro le Union Europee ancora es a discussion, mesmo si duo referendums in Francia e Nederland lo rejectava le anno passate. Tote le tractato esseva publicate in interlingua ja in 2004 e ha desde alora essite discargabile como un file in le formato PDF del bibliotheca electronic in interlingua, que se trova ci in www.interlingua.com.

-

  Duo sitos in interlingua in Internet ha cambiate layout pro apparer plus moderne e plus facile a usar.

Le Societate Svedese pro Interlingua (SSI) appare in un layout plus clar con un navigation plus facile a usar. Le contento del sito non ha cambiate. Continuemente, on pote trovar informationes super interlingua e le SSI, super manuales, dictionarios e cursos, un selection de e-libros, un mini-curso, un mini-dictionario, un foro de discussion inter le membros, communicationes al pressa e ligamines a altere sitos in Internet. Un parte del paginas es in interlingua, le majoritate es in svedese.
Visita lo a www.interlingua.nu.

-

  Le autor del romance famose "Le bon soldato Švejk" deveni parte del Bibliotheca electronic in interlingua, publicate ci in www.interlingua.com.

Le jornalista e satirico tchec, Jaroslav Hašek (1883-1923) scribeva su feroce satira antimilitarista, que ha essite traducite in sexanta linguas, ma ille scribeva anque circa 1.500 contos breve. Un selection de illos ha ora essite publicate in interlingua in le e-libro "Quatro contos e duo scriptos politic", traducite per Italo Notarstefano de Italia. Hašek esseva un genial scriptor, un infatigabile burlator e un grande bibitor.

Le Bibliotheca electronic in interlingua es un collection de e-libros, redigite e publicate per le Union Mundial pro Interlingua (UMI) in www.interlingua.com. Le collection consiste de textos de qualitate que on pote discargar e leger sur un schermo computatorial - o imprimer sur papiro, secundo su preferentias personal.

Le e-libros in interlingua demonstra le ric varietate de textos original o traducite, belletristic o professional, que existe in le litteratura de interlingua. Le e-libros normalmente es editiones con un limitate numero de paginas; libros plus grande, imprimite sur papiro, pote esser comprate per le Servicio de Libros del UMI.

Lista de nove contento
Initio del pagina