Skip navigation.
Home

Actualitate

-

  Non minus que 10.000 parolas entratas del mundo biologic pote esser trovate in anglese con un traduction a interlingua in le grande, nove dictionario que le vice-secretario del Union Mundial pro Interlingua, Piet Cleij, expecta finir tosto.

-

  Le incontros de interlingua in Göteborg in Svedia del west comencia un nove saison le 5 de septembre. Le incontros es arrangiate le prime mercuridi de cata mense a 18.30 horas in Blue Chip Café, Vegagatan 1 in le centro.

-

  In le initio de septembre, le porta le plus importante a interlingua in Internet, www.interlingua.com, habeva essite visitate 150.000 vices. Le sito esseva relanceate in januario 2006. Le 100.000 visitas esseva attingite in februario iste anno.

-

  Le 6 de septembre comencia un nove curso de interlingua in Laholm in le sudwest de Svedia. Le inseniator es Bengt Enqvist, vice-presidente del Societate Svedese pro Interlingua (SSI). Ille ha durante multe annos inseniate interlingua in Laholm.

-

  Le Societate Svedese pro Interlingua (SSI) invita omne membros a participar in le incontro annual in Göteborg dominica le 16 de septembre 2007 a 14 horas. Le location es Café Blue Chip, Vegagatan 1 al pede del scala al Ecclesia Oscar Fredrik.

Lista de nove contento
Initio del pagina