Skip navigation.
Home

Actualitate

-

  "Interlingua pro scientistas e studentes" es le titulo de un grande obra professional in 30 lectiones, que actualmente es sub elaboration de Pawel Wimmer, information pro interlingua in Polonia. Le curso es in polonese e describe in detalios le grammatica e le construction del vocabulario.

-

  Un del classicos le plus grande in le litteratura mundial, "Le Divin Comedia" per Dante Alighieri, es sub traduction de novo in interlingua. Bruno Zani de Italia preside con Carlos Alberto Santos de Brasil le labor de traducer le 34 capitulos, scribite in verso.

-

  Non minus que 10.000 parolas entratas del mundo biologic pote esser trovate in anglese con un traduction a interlingua in le grande, nove dictionario que le vice-secretario del Union Mundial pro Interlingua, Piet Cleij, expecta finir tosto.

-

  Le incontros de interlingua in Göteborg in Svedia del west comencia un nove saison le 5 de septembre. Le incontros es arrangiate le prime mercuridi de cata mense a 18.30 horas in Blue Chip Café, Vegagatan 1 in le centro.

-

  In le initio de septembre, le porta le plus importante a interlingua in Internet, www.interlingua.com, habeva essite visitate 150.000 vices. Le sito esseva relanceate in januario 2006. Le 100.000 visitas esseva attingite in februario iste anno.

Lista de nove contento
Initio del pagina