Skip navigation.
Home

Official

-

  Le Union Mundial pro Interlingua desira a tote su membros, a omne abonatos del magazin international de novas Panorama in interlingua, e a omne interessatos e usatores de interlingua in tote le mundo un felice Natal e un multo bon e successose Anno Nove!

Nos spera poter augmentar nostre servicios e offertas al membros multo in 2007.

-

  Le effortios durante longe tempore pro interlingua del ex-presidente del Union Mundial pro Interlingua, Leland B. Yeager (SUA), es mentionate in un nove libro.

Leland B. Yeager, qui es professor emerite de economia e esseva presidente del UMI inter 1993 e 1999, es laudate in le nove libro "Money and Markets: Essays in Honor of Leland B. Yeager" per Roger Koppl (editor: Routledge, London). Le capitulos del libro se deriva de discursos que Leland B. Yeager presentava in un session del Southern Economic Association in Nove Orleans in novembre 2004 in recognition de su 80-esime anniversario le 4 de octobre le mesme anno.

-
  Memora renovar tu abonamento al Panorama in bon tempore ante le Anno Nove pro assecurar reciper omne numeros sin stop in 2007. Le precio de abonamento remane le mesme: 12 euros. Ma pro 24 euros on pote reciper cata vice tres exemplares e pro 36 euros cinque exemplares, assi que on pote donar los a p.ex. le bibliotheca local, al dentista o medico pro le sala a attender, pro amicos o membros del familia.
-

  Le international magazin de novas, Panorama in interlingua, publicate omne duo menses per le Union Mundial pro Interlingua (UMI), introduce un serie de nove initiativas pro facer le contento ancora plus variate pro tote le familia.

Le edition novembre-decembre, justo expedite al imprimeria pro publication,  presenta le rubrica "Conto del mense". In cata numero, il habera un conto original o traducite pro inricchir le litteratura de interlingua in parve passos e fornir lectura interessante e placente. Anque le rubrica "Parolas del mense" ha su première - breve consilios practic e utile super como usar interlingua correctemente e assi maestrar lo melio.

-

  Le administration del Union Mundial pro Interlingua (UMI) e assi anque del abonamentos del magazin international de novas, Panorama in interlingua, ha cambiate adresse postal.

Le administrator del UMI, Alberto Mardegan, ha essite empleate in Finlandia. Le administration assi move de Italia a Finlandia. Le nove adresse es:

Lista de nove contento
Initio del pagina