Skip navigation.
Home

Organisation

-

Milen Shopov, Bulgaria.
Discurso al 17-me Conferentia International de Interlingua.
Åsa, Svedia, lunedi le 18 de julio 2005, 9:00 horas.


Le derecto poterea esser definite como un regulator del relationes public qui es pre-existente e a qui le derecto es destinate de dar un plen ordine. Isto es le function principal de derecto e il es valide ambe pro le derecto local de un pais e pro le derecto commun – de Union Europee. Quando on debe facer un organisation commun nos primarimente debe crear lo. Pro isto on debe concluder varie contractos specific cuje scopo es de establir le fundamentos del organisation. Le mesme esseva le situation in le initio del Union Europee quando le tres contractos principal esseva signate. Iste contractos es nominate como le derecto principal del Union Europee e illos da le base del ordine legal commun. Isto esseva le prime passo al via del creation de un derecto paneuropean. Naturalmente, iste via es longe e le developpamento de iste idea continua anque hodie.

-

Texto scribite e presentate per Bengt Enqvist, Svedia,
pro le session "Io vole narrar te..."
al 17-me Conferentia International de Interlingua.
Åsa, Svedia, le 19 de julio 2005, 11:10 horas.


Le octo de januario un huracan affligeva partes de Svedia. In le partes sud de Svedia, ubi io vive, le consequentias esseva grandissime. Alcun possessores de bosco perdeva 80 pro cento de lor arbores. In effecto alcun homines se suicideva, proque illes habeva perdite toto o quasi toto de lor labor durante forsan cinquanta annos, e multe personas non habeva assecurantia.

-

Péter Kovács, Hungaria.
Discurso al 17-me Conferentia International de Interlingua.
Åsa, Svedia, jovedi le 21 de julio 2005, 15:55 horas.


1. Introduction

Estimate auditorio, car publico!

“Qui possede le Europa Central, illo possede tote le Europa economicamente e culturalmente.” Ben que multes vole tractar le concepto “Europa Central” pro le Europa de West, si alicuno ben observa le cosa visualmente per mappas, etc. comprendera, que il es evidente: Paris non es le Europa Central, Bruxelles non es le Europa Central, illos es le West de Europa, illos sta al margine de Europa, non in le centro. Le centro de Europa es geographicamente le Bassino Carpatian, que nunc es loco pro plure statos, ma olim iste unitate geographic esseva un stato, le assi nominate “Hungaria Historic” o “Hungaria Grande”. Iste stato a causa de lo que illo esseva identic con le unitate geographic central de Europa olim esseva un stato prospere, mesmo determinante culturalmente e economicamente pro le tote Europa, specialmente durante le rege Matthias e le monarchas de Transsilvania (p. ex. le Báthoris, Rákóczis, etc.). Si on observa un ovo, illo ha un corde o un jalne, que es le centro de tote le ovo e que determina le character del tote ovo. Non le blanco o le pelle determina le character del ovo, non illo porta le possibilitate del vita in se (pro haber un galletto), ma le medio del ovo.

-

le 16 ~ 22 de julio 2005  |  Benvenite a Svedia!


Halland – vicin a toto

Le population de Halland vive le plus longemente.

SVEDIA – Halland es un region con un augmentation forte del population, un vita economic-industrial con multe faciettas, un vita ric de cultura e con grande tresores del natura.
      Halland es un paisage vicin – vicin al mar, vicin al foreste e vicin al homines. Le region ha sex municipios e 283.000 habitantes con un amelioration del occupation que es melior que le media in Svedia.
      Il ha un natura fin con plagias munde, forestes non toccate, aquas ric de pisces in le mar e in le rivos fluente. Le qualitate del vita es alte, e le population de Halland vive le plus longemente in le pais – 78,68 annos pro viros e 83,08 annos pro feminas.

-

le 16 ~ 22 de julio 2005  |  Benvenite a Svedia!


Grimeton – un hereditage cultural con extension global

 
Le scopo de UNESCO, le institution del Nationes Unite, es stimular beneficio international e contribuer a pace e education re derectos human. In isto es includite augmentar le comprension e le respecto pro le hereditage cultural de paises e populos differente, con le supporto del convention de hereditage mundial.
Le station de radiodiffusion extra Varberg esseva inscribite in le lista de hereditages mundial de UNESCO in julio 2004. Objectos que es adoptate in le lista reflecta, in un maniera completemente unic, le historia del terra e le homine in un perspectiva global. Illos es tanto preciose que il es un affaire pro tote le humanitate conservar e guardar istos pro generationes futur.
 

Photo: Henrik Enfors
Le edificio del station. Photo: Henrik Enfors

Lista de nove contento
Initio del pagina