Skip navigation.
Home

Organisation

-

le 16 ~ 22 de julio 2005  |  Benvenite a Svedia!


Svedia surprisa -
isto tu non sapeva de Svedia

Thomas Breinstrup, Danmark.
Discurso al 17-me Conferentia International de Interlingua.
Åsa, Svedia, sabbato le 16 de julio 2005, 18:30 horas.


Contento

  1. Svedia surprisa
  2. Benvenite al idyllio svedese
  3. Un pais de cerebros
  4. Halland
  5. Skåne – in le sud
  6. Le connexion danese-svedese – le ponte
  7. Symbolos national
  8. Göteborg
  9. Le göteborgeses – un populo amate
  10. Le animales salvage
  11. Le appetito
  12. Agricultura e forestes
  13. Alcohol e "snus"
  14. Longe pais in breve factos
  15. "Du gamla, du fria"
  16. Pippi
  17. Le differentia de "fläsksteg"
  18. Bon a saper – Svedia in factos
  19. Symbolos national
  20. Plus de symbolos national
  21. Symbolos national
  22. Elementari!
  23. Bon conferentia a vos omnes!

Starta ci

- |

Texto de Ervin Lázár,
traducite e presentate per Péter Kovács, Hungaria,
pro le session "Io vole narrar te...".
Discurso al 17-me Conferentia International de Interlingua.
Åsa, Svedia, martedi le 19 de julio 2005, 11:10 horas.


Io ha justo septe inamoratas.

Le prime ha humeros ossose, le capite un poco cavallesc. Illa es combattive. Quecunque io face, illo non es bon secundo illa. Illa me disturba in le labor e me menacia que io va vider: io non potera esser successose.

-

le 16 ~ 22 de julio 2005  |  Benvenite a Svedia!


Preste al conferentia!

Un septimana multo active attende le participantes de tote le mundo.

50 annos con communication sin frontieras. (c) 2005 Henrik BreinstrupSVEDIA – Le scena es preste pro un multo active septimana excitante e amusante in le signo de interlingua, quando participantes ab tote le mundo le 16-22 de julio se incontra pro le 17-me conferentia international de interlingua in le village pittoresc Åsa, al sud de Göteborg in Svedia, in le agradabile Löftadalens Folkhögskola.
       "50 annos con communication sin frontieras" es le motto del anno.
       Justo iste anno le Union Mundial pro Interlingua (UMI) celebra su 50-esime anniversario. Le UMI esseva fundate in Tours in Francia durante le prime conferentia de interlingua in 1955. Pro isto il habera un exposition de material historic de interlingua e plure presentationes. Un del presentatores es Jeanne Martinet, maritate con le decedite professor André Martinet, qui esseva director de recercas del "International Auxiliary Language Association" (IALA) de 1946 a 1948 in Nove York, i.e. in un periodo significante del formation de interlingua, publicate in 1951. Jeanne Martinet, qui hodie es presidente del Union Interlinguista de Francia, va parlar super le labor con interlingua ante e post le publication del prime libros, "Interlingua-English Dictionary" e "Interlingua - a grammar".

Labor practic
In 2004, il habeva al incontro nordic de interlingua, que anque habeva loco in Åsa, un desiro de plus de labor practic in gruppos. Pro isto, on ha reservate bon tempore pro cargas practic a solver durante le septimana conferential e pro labor in gruppos super un renovation del UMI. In le anno jubilari es placiate le petras fundamental a lo que ha essite baptisate "Le nove UMI", un rejuvenation e renovation del organisation primari de interlingua. Un serie de sessiones va discuter como le UMI pote esser developpate e devenir plus moderne e plus efficace. Hodie il ha membros e representantes in cinque continentes.
       Inter multe altere cosas es date avisos e consilios de como inseniar interlingua, e on excambia experientias super le labor informative pro interlingua in varie paises. In plus, le nederlandese secretario general del UMI, Piet Cleij, va presentar su reporto super le activitates pro interlingua in tote le mundo e reportar super su pensatas pro le tempore a venir.
       Durante le septe dies il habera un quiz del sapientia de Svedia del participantes, intertenimento con p.ex. un film classic bulgare con subtitulos in interlingua, multe discursos in interlingua super themas si differente como recerca actual de interlinguistica, le coordination del leges juridic esteuropee con illos del Union Europee, traditiones antique de dansas in Bulgaria, le situation economic, cultural e politic in Hungaria post le cadita del Muro, e un analyse del errores ordinari e frequente de usatores de interlingua.

Demonstration e intertenimento
Ultra isto il habera un demonstration del programma de telephonar per Internet, Skype, un presentation del sito del UMI in Internet al adresse www.interlingua.com, un demonstration del dictionarios electronic Babylon e Pardon, e un exposition del grande encyclopedia electronic in Internet, Wikipedia, in interlingua. Martedi vespere on se assembla in le gruppos national pro discuter proprie cosas.
       Un numero de participantes va leger un breve texto litterari in interlingua pro dar un impression del linguage. In un altere session, le participantes narra de un cosa atypic ma amusante que representa lor pais. In le vesperes on pote ambular sur le roccas o cantar in interlingua al piano in le sala panoramic. E alora il ha naturalmente le grande festa final jovedi vespere con intertenimento de multissime paises.
       Nulle persona va enoiar se, ni infantes ni adultos.

Multe excursiones
Como sempre, le participantes va a excursiones como touristas in le area. Lunedi postmeridie le 18 de julio offere quatro possibilitates: 1) Un visita al fortalessa in Varberg, situate bellemente, ubi daneses e svedeses luctava plure vices. 2) Un excursion in le natura phantastic de Getterön, un unic reserva de aves. 3) Un visita al Radio Grimeton, que es sur le lista del hereditage mundial de UNESCO. De illo esseva transmittite a transverso del Atlantico. 4) Un excursion al village Äskhult, que es quasi como in le annos 1800.
       Tote le mercuridi, le 20, le tour va in autobus a Göteborg. Göteborg es le urbe le secunde in grandor de Svedia. Primo, il habera un tour con guida in le urbe, pois lunch a un restaurante vicin al nove museo cultural del mundo que on va visitar, e finalmente on pote ir a compras o navigar con le naves touristic.
       Le organisationes local touristic ha benevolemente permittite le traduction in interlingua de tote le material. Illo es distribuite al participantes, pote esser reguardate a www.interlingua.com e va plus tarde esser editate professionalmente.
    

-

le 16 ~ 22 de julio 2005  |  Benvenite a Svedia!


Conferentia 2005 arrangiate in Svedia

Le belle costa roccose de Svedia invita al conferentia jubilari in julio 2005.

Per Thomas Breinstrup

SVEDIA – Le belle costa west de Svedia formara le panorama exceptional, quando le Union Mundial pro Interlingua (UMI) arrangiara su 17-me Conferentia International de Interlingua le 16-22 de julio 2005. 

-

le 16 ~ 22 de julio 2005  |  Benvenite a Svedia!


Photos del centro conferential

Le panorama de Löftadalens Folkhögskola al mar
Le panorama de Löftadalens Folkhögskola al mar.
Photo: Thomas Breinstrup
Le sala a mangiar del centro conferential es totalmente nove - de 2004 - e con un panorama exceptional
Le sala a mangiar del centro conferential es totalmente nove - de 2004 - e con un panorama exceptional.
Photo: Thomas Breinstrup
Participantes in le incontro nordic de interlingua, 2004. Löftadalens Folkhögskola ha tres vices essite le centro del incontros nordic
Participantes in le incontro nordic de interlingua, 2004. Löftadalens Folkhögskola ha tres vices essite le centro del incontros nordic.
Photo: Thomas Breinstrup
Le entrata al edificio con le grande sala con le meraviliose panorama al mar
Le entrata al edificio con le grande sala con le meraviliose panorama al mar.
Photo: Thomas Breinstrup
Le noctes estive svedese es bellissime
Le noctes estive svedese es bellissime.
Photo: Thomas Breinstrup
Le conferentia - in iste direction!
Le conferentia - in iste direction!
Photo: Thomas Breinstrup
Le centro conferential, vidite del mar
Le centro conferential, vidite del mar.
Photo: Löftadalens Folkhögskola
Il ha multe bon locos exterior pro camminar o seder e laborar
Il ha multe bon locos exterior pro camminar o seder e laborar.
Photo: Thomas Breinstrup
Un pausa al herba verde justo al exterior del grande sala conferential
Un pausa al herba verde justo al exterior del grande sala conferential.
Photo: Thomas Breinstrup
 

In iste pagina: Le photos ha essite prendite durante le incontro nordic de interlingua in 2004.

Lista de nove contento
Initio del pagina