Skip navigation.
Home

Radio Interlingua

|


Le redactor de Radio Interlingua, Péter Kovács (a sinistre), interviewa Ingvar Stenström, le secretario del Societate Svedese pro Interlingua, pro le radio durante le 11me incontro nordic de interlingua in Linköping, Svedia, in julio 2008. Photo: Thomas Breinstrup
Radio Interlingua ha le scopo de informar interessatos super le existentia e usabilitate del lingua auxiliar interlingua - internationalmente ben comprensibile e vivente, usabile efficacemente pro communication verbal.

Radio Interlingua tamben informa le movimento de interlingua super le occurrentias recente del vita interlinguaphone.

In le programmas on pote audir interviews, novas super le actualitates del movimento de interlingua, novas interessante del mundo, obras legite del litteratura interlinguaphone, etc.

Un emission per mense es le scopo. Radio Interlingua pote esser ascoltate directemente de www.interlingua.com, o on pote discargar le emissiones como podcasts (al adresse http://www.interlingua.com/radio/feed) e ascoltar los per su computator, su sonator MP3 etc. Le emissiones anterior pote sempre esser trovate in iste pagina, www.interlingua.com/radio.

Pro contactar le redaction o pro apprender como participar in Radio Interlingua, clicca ci!

Lista del emissiones

-
25:28 minutas (17.49 MB)

Emission de 2012, maio. Contento: | Pro le memoria de Petyo Angelov per su cantamento in le 19ne conferentia international de interlingua in 2011, Chepelare, Bulgaria e per su discurso in Åsa, Svedia in 2005, al 17me conferentia | Musica breve de Csaba Kocsis |

-
15:14 minutas (10.46 MB)

Emission de 2012, april. Contento: | Actualitates: inscriber se al veniente incontro nordic usque le 15 de maio! | Musica breve de Csaba Kocsis | Interview del redactor con Milen Shopov al 19ne conferentia de interlingua in Bulgaria, in julio de 2011 - 1me parte -, includente un lectura de ille registrate in Asa, Svedia, al 17me conferentia de interlingua in 2005 |

-
23:06 minutas (15.87 MB)

Emission de 2012, martio. Contento: | Diario auditive del redactor re le festa final al 19ne conferentia de interlingua in Bulgaria le 29 de julio 2011 | Duetto de Thomas Breinstrup e Petyo Angelov | Salutation de Erick Fishuk (Brasil) | Actualitates de interlingua | Carta postal auditive de Thomas Breinstrup de Barcelona |

-
20:32 minutas (14.11 MB)

Emission de 2012, februario. Contento: | Diario auditive del redactor re le occurrentias del 27 de julio 2011 al 19ne conferentia de interlingua in Bulgaria | Presentation e comparation del cornamusas hungare e bulgare | Registrationes local de cornamusas bulgare | Le redactor mesme sona le cornamusa hungare |

-
16:25 minutas (11.27 MB)

Emission de 2012, januario. Contento: | Musica breve de Csaba Kocsis | Interview de Thomas Breinstrup con le redactor mesme (Péter Kovács) de Radio Interlingua, registrate in le 19ne conferentia international de interlingua in Chepelare, Bulgaria, in le estate de 2011 |

Podcast feed
Initio del pagina