Skip navigation.
Home

Memora pagar Panorama pro 2015

On pote anque reciper Panorama in un version digital a un precio reducite.

UMIPanorama in interlingua  Con le cambio del anno il es anque le tempore pro multes renovar le abonamento a Panorama in interlingua, le magazin international de novas publicate per le Union Mundial pro Interlingua.

Panorama appare con 6 editiones con 168 paginas totalmente in interlingua durante 2015. Le contento es multo variate e comprehende novas international, novas de interlingua, libros, litteratura, quiz e exercitios, Le Mundo Actual, Le parolas del mense, novas de nomines e multo plus. Le magazin es ben illustrate e ha textos, notitias e articulos plus longe e plus breve, assi que omnes, qui usa o se interessa pro interlingua, pote trovar qualcosa interessante a leger.

Memora que il es possibile reciper Panorama como magazin digital per e-posta in vice de como magazin imprimite sur papiro. Como abonato digital on recipe Panorama plus rapidemente post le publication, tote le illustrationes es in colores, e le precio es reducite. Un abonamento digital costa 10 euros per anno, un abonamento imprimite 15 euros.

Clicca ci pro le precios e le methodos de pagamento, que anque include PayPal.

Initio del pagina