Skip navigation.
Home

Assistentia: Face le UMI melior e interlingua plus visibile

UMI

Membros e usatores de interlingua sur cinque continentes es invitate a facer le UMI melior e interlingua sempre plus visibile. Ma vos debe reager ante le fin de septembre...

UMIQuestionario  "Da nos tu opinion: Como pote nos facer le Union Mundial pro Interlingua melior e plus relevante pro te, assi que interlingua pote devenir melio promovite?"

Assi demanda le UMI de novo a omne membros e supportatores.

"Un simile requesta durante le primavera 2013 dava multe bon ideas, ma nos es secur que il ha multes, qui non reageva, e nos amarea haber anque lor ideas e opiniones - nam le question es como multe plus de personas pote discoperir interlingua e comenciar usar lo in practica," dice Sven Frank, presidente del UMI.

Ille incoragia omnes a investir le circa 20 minutas pro responder le 36 questiones.

"Isto va esser de grande adjuta pro nos, assi que nos pote facer le organisation mundial plus active e esser plus attractive e interessante pro nostre membros - e pro omne interessatos, qui discoperi interlingua e vole saper plus," Sven Frank dice.

Un mano o duo es sempre benvenite

Omne responsas pote esser date anonymemente, ma on pote anque indicar su nomine e adresse de e-posta, si on lo desira.

Le UMI va considerar omne le propositiones, ideas e opiniones e - si possibile, e si on ha indicate su nomine e e-posta, naturalmente - retornar al respondentes con informationes super que va occurrer con le ideas o opiniones.

"Nos desira naturalmente comenciar le labor si tosto como possibile, dunque nos spera que on va responder ante le fin de septembre. Isto va dar nos le remanente tres menses in 2013 pro facer un plano e comenciar le labor. E naturalmente nos ha besonio de adjuta, mesmo parve adjuta, dunque, per favor, scribe, si tu pote assister nos in le labor futur pro realisar omne le planos," dice le presidente del UMI, qui incoragia omnes a informar altere usatores de interlingua super le questionario, assi que vermente multes va plenar lo.

Visita le questionario ci: www.interlingua.com/questionario

Initio del pagina