Abona Panorama in forma digital
Recipe Panorama in colores ante omne alteres pro minus de moneta per devenir abonato digital ab 2010.
Per Thomas Breinstrup
| PANORAMA IN VERSION DIGITAL |
 # Panorama in le version digital ha exactemente le mesme contento como le magazin imprimite. Ma illo es in colores, es expedite multo plus rapidemente al abonatos e costa minus.# Le version digital es livrate como un file PDF signate, i.e. un copia personal e serrate pro evitar copiation illegal. # Vide le paginas-specimen de Panorama in version digital per cliccar le imagine in supra. |
Ab 2010 tu ha le chance de esser le grande ganiator, adjutar a reducer le CO2, reciper tu PANORAMA ante omne alteres e mesmo haber lo in colores – durante que tu al mesme tempore (!) sparnia moneta.
Tu pote ora devenir abonato digital. Isto significa que tu recipe cata edition de PANORAMA in tu cassa e-postal como un file PDF in vice de reciper un magazin imprimite sur papiro. Isto non solmente significa que tu recipe cata edition plus rapidemente, proque illo non debe esser transportate per le posta normal, tu anque recipe un edition in colores – i.e. con photos e illustrationes in colores in vice del version blanc-nigre imprimite. E per haber PANORAMA in forma digital nos sparnia energia, papiro, inveloppes e timbros pro imprimer un tirage si grande.
Le optime avantage probabilemente es que le precio de abonamento essera a 33 pro cento minor que hodie. Le abonamento pro 2010 ha essite fixate a 10 euros contra le 15 euros normal. Initialmente le abonamento duple e triple solmente essera possibile sur papiro, non in forma digital.
Editiones identicDevenir abonato digital es un offerta. Tu pote naturalmente seliger continuar como ora e reciper un belle magazin imprimite sur papiro in blanc-nigre e livrate con le posta in le tempore besoniate pro transportar lo del imprimeria a tu cassa postal. Le precio assi anque remane le mesme como hodie.
Le contento del version digital e le version sur papiro es absolutemente identic. Il es al abonatos seliger qual forma de abonamento illes desira in le futuro.
Le version digital es un file PDF signate con informationes del abonato pro evitar copiation illegal. Il es essential pro le economia del Union Mundial pro Interlingua (UMI) obtener moneta in le cassa pro le labor informative, le activitates de www.interlingua. com e le publication continue de materiales, libros, cursos etc. Le pagamento del abonamentos va a iste scopo. Pro isto nos spera que le possibilitate de abonar se digitalmente pote augmentar remarcabilemente le numero de abonatos.
A fin de haber un idea del interesse pro le version digital ante le fin del anno, per favor, usa le formulario in basso pro indicar tu interesse pro devenir abonato digital.