Skip navigation.
Home

"Grammatica de Interlingua" publicate

  Le ver base de interlingua, le "Grammatica de Interlingua", pote ora esser comprate directemente per Internet in un belle nove edition.

Le libro esseva inter le prime duo publicationes in interlingua, quando le lingua esseva publicate per le organisation "International Auxiliary Language Association" (IALA) in 1951. Illo esseva scribite per Alexander Gode e Hugh E. Blair, qui dirigeva le completion de interlingua.

Le version original totevia esseva in anglese, ma Selahattin Kayalar del SUA ha traducite tote le libro in interlingua, assi que le 154 paginas in formato A5 se presenta pro un publico, que non comprende anglese.

Le version in interlingua ha justo essite publicate per le casa editorial Lulu.com. Le precio es 12,50 euros, e on pote ordinar e pagar lo directemente del adresse www.lulu.com/content/paperback-book/grammatica-de-interlingua/6511513


Lege anque:
www.interlingua.com/lulu - tote le libros in interlingua publicate per Lulu - con ligamines directe a cata publication.
Servicio de Libros UMI - un ample catalogo de publicationes in interlingua. Compra e paga in linea per carta a credito
Bibliotheca electronic in interlingua - le collection gratuite de textos in interlingua, alcunos con sono (MP3)
Initio del pagina