Skip navigation.
Home

Ex-secretario general del UMI ha morite

Karel Wilgenhof, Nederland, habeva 91 annos.

  Le ex-secretario general del Union Mundial pro Interlingua, Karel Wilgenhof (Beverwijk in Nederland), ha morite le 4 de maio in le etate de 91 annos.

Karel Wilgenhof esseva le competente secretario general del UMI desde le restructuramento in 1970 usque a 1982 e es ben cognoscite pro su numerose contributiones linguistic e lingual pro interlingua, i.a. le famose "Grammatica de interlingua", scribite super interlingua in interlingua. Ille anque esseva redactor del magazin official del UMI, Currero de januario 1985 a junio 1987, poco ante le fusion que resultava in le magazin Panorama in interlingua in januario 1988.

Ille participava i.a. in le 11-me conferentia international de interlingua in Borne, Nederland, in 1993.

Lege le necrologia in le veniente edition (maio-junio) del magazin Panorama in interlingua. - Lege anque Le UMI: Presidentes e secretarios general in le Historia de interlingua.


Durante le conferentia international de interlingua in Borne, Nederland, in julio 1993, Karel Wilgenhof (numero 2 de sinistre) visitava le participantes. Ci ille es photographiate con le redactor del Panorama, Thomas Breinstrup (numero 1 de sinistre), le initiator del Servicio de Libros UMI, Frits Goudkuil (numero 3 de sinistre), e le tresorera del Societate Interlingua-Nederland e co-arrangiator del conferentia Elly Engel-van Amersfoort (toto a dextere).
Initio del pagina