Skip navigation.
Home

Panorama pro 15 euros - e pagamento in linea

  Pro le prime vice desde le introduction del valuta commun in Europa, le euro, le abonamento de Panorama cresce un poco. Simultaneemente il deveni possibile pagar pro le abonamento in linea, i.e. usar un carta a credito.

A partir del 1 de januario 2008 le precio pro sex editiones de Panorama - 168 paginas totalmente in interlingua - essera non plus 12 ma 15 euros. Le porto postal e crescente costos de impression significa que le Union Mundial pro Interlingua ha decidite altiar le abonamento un poco. Le UMI anque expedi Panorama a un serie de personas, qui habita in paises, del quales pagamento es impossibile o multo difficile.

Es solmente le secunde vice desde que le prime numero de Panorama appareva in januario 1988, que le abonamento cresce.

Le abonamento duple costara 30 euros pro 2008; on recipe cata vice tres exemplares que on pote usar pro informar super interlingua. Le abonamento triple con cinque exemplares cata vice costara 45 euros.

Per le pagina de abonamento, http://www.interlingua.com/panorama-abonamento, on pote pagar immediatemente per PayPal per usar su carta a credito. Le transferimento del moneta es secur.

Lege plus super Panorama in interlingua - le international magazin de novas, totalmente in interlingua - a iste pagina.

Initio del pagina