Skip navigation.
Home

Panorama con nove contento

  Le international magazin de novas, Panorama in interlingua, publicate omne duo menses per le Union Mundial pro Interlingua (UMI), introduce un serie de nove initiativas pro facer le contento ancora plus variate pro tote le familia.

Le edition novembre-decembre, justo expedite al imprimeria pro publication,  presenta le rubrica "Conto del mense". In cata numero, il habera un conto original o traducite pro inricchir le litteratura de interlingua in parve passos e fornir lectura interessante e placente. Anque le rubrica "Parolas del mense" ha su première - breve consilios practic e utile super como usar interlingua correctemente e assi maestrar lo melio.

Le cocina international esseva ja introducite in septembre-octobre. Cata vice Paul LeCorde del SUA presenta receptas international - in le edition novembre-decembre naturalmente como facer mangiar pro Natal.

Ancora nove initiativas essera a expectar. In 2007, Panorama potera presentar in cata edition parolas cruciate, construite per un constructor professional qui livra exercitios pro plure jornales svedese.

Abona te a Panorama. 

Initio del pagina