Skip navigation.
Home

Ultime chance 30 de junio: Participa in le conferentia con reduction

Reage promptemente e obtene un bon disconto del precio de participar in le 23e conferentia in Praga in septembre.

UMIle 23e conferentia international de interlingua  Si tu vole participar in le 23e conferentia international de interlingua in Praga le 21-28 de septembre 2019 con reduction, tu debe reager ora. Le 30 de junio es le ultime data pro obtener le disconto.

Usa le scheda de inscription pro inscriber te – forsan con alcun amicos e/o tu familia con reduction:

  • Le precio pro un camera singule es 50 euros in deposito + 45 euros per nocte (post le 30/6: 70 euros in deposito + 50 euros per nocte).
  • Un camera duple per persona es 50 euros in deposito + 35 euros per nocte (post le 30/6: 70 euros in deposito + 40 euros per nocte).
  • Le precio include jentaculo, ma non lunch e cena; assi on pote mesme seliger su nivello preferite de mangiar.

Si tosto que le inscription ha essite recipite, le administration del UMI invia un confirmation con le precio exacte a pagar.

Le die de arrivata es sabbato le 21 de septembre. Le conferentia comencia dominica le 22 con sessiones, officinas/workshops, discursos, presentationes, intertenimento, conversationes agradabile, excursiones a i.a. le parlamento tchec e le ancian castello de Praga e multo plus. Le conferentia dura usque venerdi le 27 de septembre. Sabbato le 28 de septembre es le die de partita.

Naturalmente il ha anque cursos de interlingua pro comenciantes e pro illes, qui ja cognosce interlingua e ora debe extender le vocabulario e parlar plus fluentemente.

Le conferentias de interlingua attrahe sempre e nove interessatos, multes qui ha participate anteriormente, e illes qui ha essite presente a tote le conferentias. Omnes veni pro apprender como le labor va de extender le cognoscentia a e le uso practic de interlingua in le mundo, pro excambiar ideas e pro discuter como facer ancora plus – preferibilemente in collaboration international.

Lege plus super le conferentia e inscribe te: www.interlingua.com/conferentia/2019

Initio del pagina