Skip navigation.
Home

Stipendios pro participar in le conferentia in Praga

Le Union Mundial pro Interlingua offere un grande reduction del precio pro active interlinguistas, qui participa pro le prime vice in un conferentia international de interlingua.

UMIle 23e conferentia international de interlingua  Le Union Mundial pro Interlingua (UMI) ha create un stipendio pro active interlinguistas qui participa in le 23e conferentia international de interlingua pro le prime vice.

Ante le 31 de maio 2019 il es possibilite requestar un stipendio in connexion con su inscription pro le conferentia. Isto significa beneficiar de un precio extrememente reducite pro le participation – solmente 175 euros pro un camera condivise o 210 euros pro un camera singule.

Le offerta es valide pro illes qui participa in un conferentia international de interlingua pro le prime vice, e qui es active usatores de interlingua.

Pro venir in consideration pro un stipendio, on debe includer un reporto in interlingua de su activitates de interlingua durante le anno passate plus le intentiones pro le anno veniente. Le personas, qui es seligite pro obtener un stipendio, recipera un responsa directemente ab le administration del UMI.

Le 23e conferentia international de interlingua ha loco le 21-28 de septembre 2019 in Praga in le Republica Tchec. Illo es arrangiate per le Union Mundial pro Interlingua in collaboration con le Union Tchec pro Interlingua.

Inscribe te hodie per le scheda de inscription. Illes, qui requesta un stipendio, debe responder al questiones special in le scheda de inscription.
Visita le pagina del 23e conferentia international de interlingua pro plus de informationes.

Initio del pagina