Skip navigation.
Home

Panorama es in retardo

Le pacco con Panorama novembre-decembre dispareva in le posta – ma ha ora essite retrovate.

UMIPanorama - abonamento digital  Le abonatos de Panorama in interlingua, le international magazin de novas publicate per le Union Mundial pro Interlingua, ancora non ha recipite le edition de novembre-decembre 2018 a causa de problemas postal.

Le pacco ab le imprimeria in Nederland dispareva in le posta svedese, e solmente post un intense labor del distributores del Societate Svedese pro Interlingua le posta lo trovava de novo – in via retro al imprimeria. Le UMI expecta que le pacco va tosto arrivar in le manos del distributores, assi que Panorama finalmente pote esser inviate al abonatos in tote le mundo.

Le UMI regretta multo le retardo, causate per le posta.

Illes, qui es abonatos digital de Panorama, recipeva le magazin in decembre sin problemas. Le abonamento digital significa que on recipe Panorama como un file in formato PDF, toto in colores e a un precio reducite. Illes qui desira abonar se digitalmente – o cambiar del abonamento imprimite – pote studiar le possibilitates in le pagina Abona te a Panorama o contactar le organisation national de interlingua in lor pais.

Initio del pagina