Skip navigation.
Home

Mini-dictionario gratuite pro germanophonos

Le 2.500 parolas del dictionario interlingua-interlingua es ora a disposition con traduction in germano.

UMIMini-Wörterbuch Interlingua-Deutsch  Personas qui parla germano, ora ha un bon assistentia de interlingua. Le nove "Mini-Wörterbuch Interlingua-Deutsch" (Mini-dictionario interlingua-germano) es un e-libro gratuite con le 2.500 parolas le plus frequentemente usate in interlingua con traduction in germano.

Daniel Weingärtner ha preparate le mini-dictionario, cuje vocabulario corresponde al dictionario interlingua-interlingua, "Interlingua - dictionario basic". Iste dictionario es le base de i.a. le serie Facile a leger in interlingua.

"Mini-Wörterbuch Interlingua-Deutsch" es le mini-version del "Kleines Wörterbuch Interlingua-Deutsch" (ISBN 978-2-36607-052-1), publicate in novembre 2018. Con su circa 2.500 entratas le mini-dictionario debe esser un adjuta a illes, qui vole comprender interlingua in scripto e in conversationes. Illo coperi le majoritate del vocabulario quotidian.

Le mini-dictionario pote esser discargate gratuitemente como un file PDF, que on pote usar directemente al schermo o imprimer sur papiro.

Discarga "Mini-Wörterbuch Interlingua-Deutsch" (PDF) ab le section Dictionarios, grammaticas e cursos.

Initio del pagina