Skip navigation.
Home

"Pinocchio" in interlingua in nove edition

Le classico ha apparite in un nove edition.

UMIPinocchio  Le amate conto classic super Pinocchio ha essite publicate in interlingua in un nove edition.

Le conto super le parve pupa de ligno es un del contos le plus cognoscite, gratias anque a Walt Disney e su film animate ab 1940. “Le aventuras de Pinocchio” es considerate como le obra de maestro de Carlo Collodi (1826-1890). Publicate le prime vice in 1880 illo fascina anque hodie le lectores, pois que illo non era scribite solmente pro infantes, ma pro cata uno qui non ha perdite le sentimento poetic, pro totes qui memora ancora le gaudio de lor juventute.

Le experto svedese de litteratura italian, Pian Boalt, traduceva "Pinocchio" in 1994. Como parte del grande projecto del Union Mundial pro Interlingua (UMI) de facer le litteratura in interlingua disponibile, le libro es ora publicate de novo con le designos original secundo Kurt Wiese e in le traduction maestrose in interlingua.

"Le aventuras de Pinocchio" costa 8 euros e pote esser comprate in linea.

Vide Litteratura in interlingua

.
Initio del pagina