Le breve films que presenta interlingua in le linguas national ora comprehende norvegiano e tcheco.

UMIHallo a interlingua  Le mundo ora dice "hallo, hallo" a interlingua in 19 linguas.

Durante le 15te incontro nordic de interlingua in Danmark in julio esseva registrate anque versiones in norvegiano e tcheco pro le serie de breve presentationes de interlingua in si multe linguas national como possibile. Actualmente il ha 38 films de un-tres minutas, in le quales personas de omne etates e nationalitates, qui ha apprendite e usa interlingua, explica proque illes lo ha apprendite, e como interlingua es utile pro exactemente illes. Illes parla lor proprie linguas. Interessatos pote assi trovar le lingua que illes cognosce, e vider le breve film(s).

Il ha films in anglese, bulgaro, catalano, danese, espaniol, finnese, francese, germano , hebreo, hungaro, interlingua, japonese, nederlandese, norvegiano, polonese, portugese, russo, svedese e tcheco.

Visita Hallo, hallo: nos presenta interlingua! e vide omne le films.