Skip navigation.
Home

"Cantario de Interlingua" con 135 cantos

Cantos original e traducite ab tote le mundo es pro le prime vice publicate in un grande cantario con notas musical.

UMICantario de Interlingua  Interlingua es un lingua musical. Pro isto appare finalmente le "Cantario de Interlingua" con 135 cantos original e traducite.

Desde 1989, un nove version del "Cantario de Interlingua" ha essite publicate pro le conferentias international de interlingua e le incontros nordic de interlingua. Durante le arrangiamentos on ha cantate e sonate le multe cantos con grande gaudio. Le cantario assi usque ora solmente ha essite disponibile pro le participantes del conferentias e incontros de interlingua.

Ora le libro de 144 paginas con notas musical es pro le prime vice publicate. Le dorso es un spiral practic, assi que le "Cantario de Interlingua" pote facilemente esser usate, anque si musicos debe accompaniar le cantos. Il ha cantos super tempore e saisones, balladas e cantos folkloristic, super amor e gaudio, cantos de potation, super nationes e regiones, cantos de Natal, cantos pro infantes, cantos con rhythmo e cantos de interlingua. Alcunes es cantos cognoscite como "Clementina", "In lucer del luna", "Michael, rema al pais", "Sancte Lucia" e "Stienka Razin". Alteres non ancora ha trovate un grande publico mundial, que ora ha le chance de apprender e cantar los.

Le "Cantario de Interlingua" contine horas de intertenimento. Le precio es 15 euros + taxa e porto postal.

Compra le "Cantario de Interlingua" in linea ci.

Initio del pagina