Skip navigation.
Home

Sex contos original in interlingua

Le prime libro de Marcus Scriptor ha apparite.

UMILe polyglotto involuntari  Pro le prime vice, le diligente autor in interlingua, Marcus Scriptor, ha colligite su contos in un libro.

"Le polyglotto involuntari e altere contos" contine sex de su contos. Le stilo e contento varia multo inter le textos. Hic on trova humor e serietate, aventuras e allegorias, allegressa e dystopia. Le contos ha previemente essite publicate in le blog de Marcus Scriptor, poemasepensatas.blogspot.se, e hic illos le prime vice appare in forma imprimite. Leger textos in computatores, tablettas o lectores de libros electronic es facile e practic, ma un ver bibliophilo prefere tener un libro de papiro in le manos e impatientemente tornar le paginas e, quando finite, poner le obra inter su altere tresores litterari in su vetere planca de libros.

Compra le libro de 36 paginas directemente o reguarda le grande selection de litteratura in interlingua.

Reguarda un incontro con le poeta Marcus Scriptor (film)

Initio del pagina