Skip navigation.
Home

Ancora un libro difficile a trovar publicate de novo

Grande projecto de facer le litteratura de interlingua accessibile de novo continua con le sexte libro biblic. Multe altere titulos es sub preparation.

UMIJosue  Le re-publication de litteratura in interlingua difficile a trovar e comprar continua con le sexte libro del Biblia, "Josue".

Josue es un figura in le Tora e Le Vetere Testamento. Ille esseva un del dece-duo spiones de Israel que Moses inviava pro investigar Kanaan, le pais promittite per Deo al israelitas. Post le morte de Moses, Josue duceva le tribos israelita al conquesta de Kanaan e divideva le pais inter le tribos. Simon William Buckhalter (1904-1985), professor de Irlanda, ha traducite in toto 11 partes del Biblia in interlingua ab le hebreo e fornite le traduction con notas textual.

"Josue" ha 60 paginas e costa 7 euros. Illo es parte del grande projecto pro assecurar que tote le litteratura in interlingua es ancora disponibile e pote esser comprate. Le Union Mundial pro Interlingua (UMI) ha pro isto decidite prender tote le titulos publicate antea e re-publicar los. Multes de illos es exhaurite, alteres existe in solmente poc exemplares, ma tote le libros debeva esser administrate e expedite manualmente. Post le re-publication, tote titulos pote esser comprate directemente in linea per Internet, ubi on anque pote pagar immediatemente per carta a credito o PayPal e assi reciper plus rapidemente - e a precios plus attractive - le libros desirate.

Plus de titulos - belletristic e professional - va apparer durante le veniente menses.

Continua al section con Litteratura in interlingua

Initio del pagina