Barcelona in Espania e Wolfgangsee in Austria es le destinationes de duo nove episodios - e alora veni un carta ab le pais imaginari Ladonia.

UMIViages con interlingua e Cartas nordic  Le invitationes a viages con interlingua continua arrivar. Iste vice le tour va a Barcelona in Espania e Wolfgangsee in Austria, ubi nove aventuras attende.

Le serie "Viages con interlingua" ora comprehende 14 episodios. Illo esseva create pro assecurar que anque le linguage quotidian deveni parte del materiales pro apprender interlingua. Pro isto cata episodio consiste de conversationes inter le personas, ma al mesme tempore illos presenta varie locos geographic. Cata episodio contine photos in colores, e al medietate de illos il ha anque exercitios, assi que on pote constatar, si on ha ben comprendite le textos.

Tote le material es in interlingua, assi que illo es universal. Le formato es PDF. On pote leger sur le schermo o mesme imprimer le episodios sur papiro.

Anque le altere serie con materiales instructive, "Cartas nordic" con invitationes a visitar le cinque paises nordic Danmark, Norvegia, Svedia, Finlandia e Islanda, continua crescer. Le plus recente es un carta illustrate ab le nation imaginari Ladonia, situate sur le costa west de Svedia. Ladonia ha un historia curiose. Le "Cartas nordic" ora comprehende 43 cartas, que omnes consiste de un photo e un breve texto narrative e descriptive del loco plus cinque questiones al texto, assi que on pote usar le material pro studios sin o con un professor. Anque iste cartas es in formato PDF que pote esser usate sur le schermo o esser imprimite sur papiro.

Visita Multe materiales pro le inseniamento de interlingua, e discarga tote le materiales gratuite.