Skip navigation.
Home

Belle placard con le alphabeto de interlingua

Grande placard gratuite in formato A3 es un bon assistente pro apprender le 26 litteras del alphabeto de interlingua.

UMILe alphabeto de interlingua  Cognosce tu le alphabeto de interlingua? Un nove placard in colores es un bon assistente, e tu pote discargar lo gratuitemente de www.interlingua.com e imprimer lo in formato A3 o formato A4.

Le placard, "Le alphabeto de interlingua", monstra omne le 26 litteras del alphabeto e parve picturas pro cata littera. Imprime lo, e placia lo sur le pariete in tu camera o in tu classe (o local pro studios). Assi il es facile apprender tote le alphabeto e nove parolas in interlingua in un maniera amusante.

Visita le section Interlingua pro juniores pro discargar le placard. Illo ha un multitude de interessante materiales pro juniores. Inter multe altere cosas tu trova lotteria de picturas in interlingua, interlingua pro tu computator, calendarios, bon avisos quando tu es in Internet o usa le chat, un bon adjuta pro mathematica, un longe lista con tote le paises in le mundo in interlingua e sex papiros completemente illustrate - un mini-curso de interlingua in picturas.

Visita Interlingua pro juniores.

Initio del pagina