Skip navigation.
Home

Gratuite curso de interlingua in francese

Nove e gratuite curso digital de interlingua pro personas qui parla francese.

UMICours élémentaire d'interlingua (francese)  Un complete curso de interlingua in 15 lectiones pro omnes qui parla francese es ora a disposition e pote esser discargate gratuitemente.

Le "Cours élémentaire d'interlingua" es scribite per Thomas Breinstrup, redactor del magazin official del Union Mundial pro Interlingua, Panorama in interlingua. Le version francese ha essite adaptate pro personas, qui parla francese, per Martin Lavallée e Pierre Morin de Canada.

Le curso consiste de 10 lectiones basic que presenta le historia de un familia que visita su amicos in Scotia. Il ha vocabularios, explicationes del grammatica e exercitios pro tote le lectiones. Pois seque ancora cinque lectiones con conversationes plus longe. Le curso comprehende anque un grammatica, un clave al exercitios e un vocabulario con le circa 750 parolas del curso.

Tote le curso es presentate in forma digital in le formato PDF. On pote leger le lectiones sur le schermo o discargar los, eventualmente pro imprimer lo sur papiro. Il ha audio (MP3) pro tote le 15 lectiones.

Le curso ha devenite un grande successo e existe actualmente in octo linguas: danese, norvegiano, anglese, germano, italiano, espaniol, portugese e francese.

Vide le curso ci: Cours élémentaire d'interlingua


Vide le section Dictionarios e cursos con multe materiales de interlingua in multe linguas

Initio del pagina