Skip navigation.
Home

Incontro con un poeta de interlingua

Le autor Marcus Scriptor presentava su multe obras in interlingua durante le conferentia in Svedia. Vide le videopresentation ci.

UMI  Un del diligente autores de poesia original in interlingua, Marcus Scriptor - alias le svedese Kenneth Platter - presentava su autorato e parlava de su experientia con interlingua durante le recente arrangiamento successose de interlingua in Svedia.

Le presentation esseva date durante le 20me conferentia international de interlingua e le 14te incontro nordic de interlingua in Åsa, Svedia, jovedi le 31 de julio 2014. Ci Marcus Scriptor anque recitava alcun de su multe poemas in interlingua, e tote le presentation esseva transmittite directemente per Internet como un experimento pro futur conferentias.

Ora le presentation de 36 minutas pote esser reguardate in www.interlingua.com. Subtitulos in interlingua es disponibile pro iste video. Preme le button respective pro activar los.

Vide "Un incontro con le poeta Marcus Scriptor".


Le poeta Marcus Scriptor presenta su obras durante le conferentia de interlingua in Svedia.

Initio del pagina