Skip navigation.
Home

Usa le servicio conferential

Si tu ha questiones in connexion con le grande arrangiamento estive de interlingua in julio, contacta le servicio conferential.

UMI  Questiones practic sempre appare, quando on desira particiar in un conferentia international. Pro isto, participantes pote usar le servicio conferential del combinate conferentia international e incontro nordic de interlingua in Svedia le 29 de julio al 3 de augusto - 50 metros ab le mar.

Le organisatores - i.e. le quatro organisationes nordic de interlingua in Svedia, Danmark, Norvegia e Finlandia in collaboration con le Union Mundial pro Interlingua (UMI) - sempre es preste a responder a questiones practic. Le adresse a usar es info@interlingua.dk o secretario@interlingua.nu. On pote scriber su question(es) in interlingua, anglese, germano, danese, norvegiano o svedese, e le arrangiatores va responder si tosto que illes pote dar un responsa clar.

Ultime chance pro inscriber se

Le questiones pote tractar tote themas: Le viage, le facilitates del centro conferential, detalios super le pagamento, detalios super le repastos servite e naturalmente questiones general del conferentia. Ma nota que le adresse non pote esser usate pro inscriber se pro le conferentia o pro inviar propositiones a themas e discursos. In tal caso, on debe consultar le pagina del 20me conferentia international de interlingua al adresse www.interlingua.dk/nordic2014.

Il es ora le ultime chance pro inscriber se al 20me conferentia international e 14te incontro nordic de interlingua que habera loco in le citate balneari Åsa, sud de Göteborg al costa west de Svedia, in bellissime natura.

Le arrangiamento es pro tote le familia e continera activitates, cursos (pro nove usatores de interlingua e pro illes, qui ja lo ha usate durante un periodo), excursiones, presentationes e discursos, discussiones super interlingua e multo plus. On pote obtener un reduction de 500 SEK/44 EUR per inscriber se ante le 5 de junio. Le precio pro omne sex dies con camera, mangiar, excursiones etc. es alora solmente 3.500 SEK o 400 EUR.

Visita www.interlingua.dk/nordic2014 pro leger plus e sequer le novas le plus recente e usa le scheda de inscription immediatemente. Vide le programma preliminar pro esser inspirate.

    Inscribe vos ante le 5 de junio 2014 pro reducer le precio

  • Veni 6 dies al "superconferentia nordic" o "festival de interlingua" pro solmente 4.000 SEK/444 EUR.
  • Toto es includite in le pacco: omne repastos + camera con 5 noctes + cursos + excursiones + belle natura vicin al mar + agradabile participantes ab multe paises pro solmente 4.000 coronas svedese/444 euros per persona (ab lunch le 29 de julio al lunch le 3 de augusto, inclusive).
  • Usa le scheda de inscription e inscribe vos al plus tarde le 5 de junio 2014. Alora tu obtene un reduction de 500 SEK per persona. Assi le precio es solmente 3.500 SEK/400 EUR per persona pro omne sex dies.


Initio del pagina