Skip navigation.
Home

Cursos intensive de interlingua in julio

Inscribe te hodie pro le grande arrangiamento de interlingua in Svedia, 50 metros del mar, in julio 2014 e incontra altere usatores ab tote le mundo.

UMI  Si tu non ancora ha comenciate vermente parlar interlingua, iste estate es tu grande chance. Le combinate conferentia international e incontro nordic de interlingua in Svedia le 29 de julio al 3 de augusto - 50 metros ab le mar - offere cursos pro nove usatores e pro illes, qui ja ha un poco de experientia de parlar interlingua.

Cata die il ha tres horas con lectiones in interlingua pro nove usatores, assi que omnes apprende ben interlingua e comencia usar lo pro parlar e conversar. Le instructor es le experientiate professor gymnasial Ingvar Stenström, qui es le autor del manual probabilemente le plus traducite in le mundo, "Interlingua - instrumento moderne de communication international". Le curso va presentar tote le grammatica de interlingua (que non es comprehensive e que es totalmente regular), e on va leger textos e parlar super illos.

Illes, qui ja ha usate interlingua un poco (o multo), va cata die haber un hora con conversationes. Thomas Breinstrup, qui es le presidente del Union Danese pro Interlingua e le redactor del magazin international de novas Panorama in interlingua, essera le instructor. Ille ha durante multe annos instruite interlingua al Vesperes de Interlingua in Copenhagen cata mense. Le curso de conversation, como illo es appellate, va extender le vocabulario que omnes ja ha in interlingua per parlar super un serie de cosas e topicos, forsan facer un mini-joco de rolos, e apprender multe nove expressiones e parolas in manieras amusante.

Tu debe inscriber te ante le 1 de junio 2014, ma alora tu habera un reduction del precio de participation de 500 SEK/44 EUR. Le sex dies con camera, mangiar, excursiones, activitates, presentationes etc. costa solmente 3.500 SEK/400 EUR.

Visita www.interlingua.dk/nordic2014 pro leger plus e sequer le novas le plus recente e usa le scheda de inscription immediatemente. Vide le programma preliminar pro esser inspirate.

    Inscribe vos ante le 5 de junio 2014 pro reducer le precio

  • Veni 6 dies al "superconferentia nordic" o "festival de interlingua" pro solmente 4.000 SEK/444 EUR.
  • Toto es includite in le pacco: omne repastos + camera con 5 noctes + cursos + excursiones + belle natura vicin al mar + agradabile participantes ab multe paises pro solmente 4.000 coronas svedese/444 euros per persona (ab lunch le 29 de julio al lunch le 3 de augusto, inclusive).
  • Usa le scheda de inscription e inscribe vos al plus tarde le 5 de junio 2014. Alora tu obtene un reduction de 500 SEK per persona. Assi le precio es solmente 3.500 SEK/400 EUR per persona pro omne sex dies.


Initio del pagina