Skip navigation.
Home

Programma publicate pro grande arrangiamento de interlingua in julio

Experientias exceptional attende omne participantes in le combinate 20me conferentia international e 14te incontro nordic de interlingua le 29 de julio al 3 de augusto. Ma hasta inscriber te pro obtener un reduction del precio!

UMI  Le programma preliminar pro le grande arrangiamento estive de interlingua, le combinate 20me conferentia international e 14te incontro nordic de interlingua, in julio ha essite publicate.

Illo offere un multitude de activitates, presentationes, cursos, excursiones e multe tempore pro simplemente esser in bon compania e usar interlingua. Le grande arrangiamento es le 29 de julio al 3 de augusto 2014 in le popular citate balneari Åsa in Svedia, sud de Göteborg, poc metros ab le plagia e le mar.

Le arrangiatores es le quatro organisationes nordic de interlingua in Svedia, Danmark, Norvegia e Finlandia in collaboration con le Union Mundial pro Interlingua. Le centro conferential es un belle schola internato, e si on se inscribe e paga ante le 5 de junio, il ha un reduction del precio de 44 EUR/500 SEK per persona. Ecce le ligamine pro inscriber se. Le precio reducite que include omne repastos, pernoctation, cursos, excursiones etc., es solmente 400 EUR/3.500 SEK per persona. Si on se inscribe plus tarde, le precio cresce a 444 EUR/4.000 SEK, dunque hasta inscriber te e le familia, nam le conferentia/incontro es pro tote le familia.

Lege le programma preliminar ci (in formato PDF)

Visita www.interlingua.dk/nordic2014 pro leger plus e sequer le novas le plus recente e usa le scheda de inscription immediatemente.

    Inscribe vos ante le 5 de junio 2014 pro reducer le precio

  • Veni 6 dies al "superconferentia nordic" o "festival de interlingua" pro solmente 4.000 SEK/440 EUR.
  • Toto es includite in le pacco: omne repastos + camera con 5 noctes + cursos + excursiones + belle natura vicin al mar + agradabile participantes ab multe paises pro solmente 4.000 coronas svedese/444 euros per persona (ab lunch le 29 de julio al lunch le 3 de augusto, inclusive).
  • Usa le scheda de inscription e inscribe vos al plus tarde le 5 de junio 2014. Alora tu obtene un reduction de 500 SEK per persona. Assi le precio es solmente 3.500 SEK/400 EUR per persona pro omne sex dies.


Initio del pagina