Skip navigation.
Home

Sparnia 44 euros - inscribe te pro le conferentia hodie

Omnes, qui se inscribe pro le combinate 20me conferentia international e 14te incontro nordic de interlingua ante le 31 de maio habera un reduction del precio. Reage promptemente e inscribe le familia.

UMI  Illes, qui es rapide e reage promptemente, pote sparniar 44 euros per persona per inscriber se al combinate 20me conferentia international e 14te incontro nordic de interlingua ante le 31 de maio 2014.

Gratias a un subvention special, le precio de participar in le arrangiamento que dura de martedi le 29 de julio a 11.30 horas usque dominica le 3 de augusto a lunch es reducite a 400 euros (o 3.500 coronas svedese), si on se inscribe ante le 31 de maio. Post iste data le precio cresce a 444 euros/4.000 coronas svedese per persona.

Toto es includite

Le summa comprehende camera, omne repastos, cursos, activitates e excursiones durante le sex dies. Le conferentia/incontro es un arrangiamento pro le familia e habera loco in le centro Löftadalens Folkhögskola in Åsa, un popular citate balneari, 45 km sud de Göteborg. Le schola internato es situate sur un rocca con un vista belle supra le mar Kattegat.

Le programma es sub preparation e va tosto esser publicate e, naturalmente, inviate directemente a omne participantes. Iste anno le labor "seriose" essera minus dominante pro in vice crear un bon tempore insimul con tempore pro reposar in bon compania, pro conversar (multo ... e preferibilemente in interlingua, naturalmente), participar in excursiones interessante in le area, pro audir presentationes e discursos interessante (in interlingua ma non necessarimente super interlingua) e simplemente haber sex bon dies insimul, sperabilemente con tote le familia como participantes.

Il habera un curso pro nove usatores de interlingua e un curso de conversation pro illes, qui ja usa interlingua ma desira obtener un vocabulario plus grande e un eloquentia plus fluente.

Visita www.interlingua.dk/nordic2014 pro leger plus e sequer le novas le plus recente e usa le scheda de inscription immediatemente.

Iste articulo esseva actualisate le 4 de maio pro indicar que le nove limite pro obtener le reduction del precio non plus es le 5 ma le 31 de maio.

    Inscribe vos ante le 31 de maio 2014 pro reducer le precio

  • Veni 6 dies al "superconferentia nordic" o "festival de interlingua" pro solmente 4.000 SEK/440 EUR.
  • Toto es includite in le pacco: omne repastos + camera con 5 noctes + cursos + excursiones + belle natura vicin al mar + agradabile participantes ab multe paises pro solmente 4.000 coronas svedese/440 euros per persona (ab lunch le 29 de julio al lunch le 3 de augusto, inclusive).
  • Usa le scheda de inscription e inscribe vos al plus tarde le 31 de maio 2014. Alora tu obtene un reduction de 500 SEK per persona. Assi le precio es solmente 3.500 SEK/390 EUR per persona pro omne sex dies.


Initio del pagina