Skip navigation.
Home

Almanac de interlingua publicate directemente

Le gratuite magazin digital super cultura in interlingua es ora disponibile in Internet immediatemente post su publication.

  Le mensual digital revista cultural in interlingua, Almanac de interlingua, es desde januario 2014 publicate directemente in Internet.

Le Almanac de interlingua ha desde octobre 2009 apparite cata mense como magazin digital in le formato PDF, cata vice con 6-8 paginas con articulos super cultura e questiones cultural in tote le mundo. Il ha sempre essite gratuite esser abonato.

Usque ora le editiones ha essite anque publicate ci in le sito del Union Mundial pro Interlingua al adresse directe www.interlingua.com/almanac ma con le retardo de un mense, assi que le abonatos primo recipeva le editiones directemente per e-posta. Ma le redactor brasilian, Cláudio Rinaldi, e le assistente practic, Aender dos Santos, ha cambiate le maniera de distribuer le magazin, assi que omnes pote discargar lo directemente, o de www.interlingua o del blog http://almanacdeinterlingua.blogspot.com.

On pote sempre contactar le redaction al adresse almanacdeinterlingua@yahoo.com.


Le Almanac de interlingua appare cata mense con articulos super cultura. Toto es in interlingua, e le magazin es digital, dunque on pote mesme discargar lo de Internet.

Initio del pagina