Skip navigation.
Home

Corrector orthographic pro autores de "Facile a leger in interlingua"

Scribe manuscriptos pro le nove serie "Facile a leger in interlingua", e vide immediatemente, qual parolas debe esser explicate in notas a pede.

UMIFacile a leger in interlingua  Autores, qui desira contribuer al nove serie "Facile a leger in interlingua", ora obtene un gratuite instrumento que va facer lor labor con le manuscriptos multo plus facile.

Un corrector orthographic con le 2.500 parolas in "Interlingua - dictionario basic" ha essite developpate pro autores. Illo functiona in le pacco de programmas gratuite LibreOffice e OpenOffice.

Pois que le corrector cognosce solmente le 2.500 parolas definite in le dictionario, illo indica omne parolas que non es in le dictionario, e que assi debe esser explicate in notas de pede in le nove libros del serie. Pro le autor, isto es un facile maniera de trovar le parolas a explicar – o eventualmente rediger le texto pro facer lo ancora plus facile al lectores.

"Facile a leger in interlingua" es un nove serie de publicationes pro illes qui ama interlingua ma desira apprender plus in un maniera interessante e amusante. Le prime titulos appareva in julio 2013, e nove titulos va apparer durante le veniente menses. Visita "Facile a leger in interlingua".

Autores interessate a contribuer pote contactar le redactor del serie, Thomas Breinstrup (panorama@interlingua.com).


Le gratuite corrector orthographic contine solmente le 2.500 parolas e indica assi per lineas rubie, qual parolas debe esser explicate al lectores, proque illos non es in "Interlingua - dictionario basic"

Initio del pagina